Prenden lume a tres colectores de papel preto da Xunta
Por Diego Torrado
Os bombeiros do parque de Pontevedra tiveron que intervir durante a tarde deste mércores 27 de xaneiro en tres incendios que se producían en colectores de papel nas rúas Alcalde Hevia e Fernández Ladreda, nas proximidades do edificio administrativo da Xunta de Galicia en Campolongo.
Segundo sinalaron desde o Parque de Bombeiros, o servizo de Emerxencias do 112 alertou da presenza de lume ás 15.10 horas en Alcalde Hevia. Mentres os bombeiros traballaban na extinción das lapas, producíase outro lume na rúa Fernández Ladreda. Os dous altercados foron resoltos sen incidencia.
Ás 16.30, os bombeiros tiñan que volver desprazarse á rúa Fernández Ladreda, fronte ao edificio da Xunta de Galicia, onde se prendeu lume a outro colector de papel, que tamén foi sufocado rapidamente.
Non é a primeira vez que se rexistran incendios continuados en colectores do centro da cidade. Sen ir máis lonxe, nestas mesmas rúas os bombeiros tiveran que sufocar as lapas en dous colectores en novembro de 2015 e o "modus operandi" do autor fora similar. A Policía Local investiga estes casos.
Relacionadas:
-
A tratamento psiquiátrico durante dous anos por prender lume a colectores da cidade
Por Alejandro Espiño |
-
Detido por terceira vez pola queima de colectores no centro da cidade
Por Diego Espiño |
-
Quen queima os colectores en Pontevedra?
Por Diego Torrado |
-
Denuncian un grupo de menores como autores da queima de colectores na cidade
Por Redacción |
-
Ingreso psiquiátrico para o acusado de queimar colectores de papel por toda a cidade
Por Redacción |