Charly López: "Os goles son cousas de todos, oxalá veñan pero non quero centrarme niso senón en facelo ben e axudar o equipo"
Por Diego Espiño
Aos seus 27 anos Charly López aterrou este verán no Pontevedra Club de Fútbol no seu mellor momento futbolístico, despois de conseguir grandes números o pasado ano na Segunda RFEF (15 goles entre Cerceda e Zamora). Por iso moitas miradas céntranse nel como unha das referencias ofensivas do equipo. Con dúas tempadas de contrato, asegura estar "moi a gusto" coa súa chegada e espera poder seguir crecendo da man do club granate.
"Chego sobre todo ilusión e con ganas de facelo ben", defende o atacante, que non quere obsesionarse co gol.
"Os goles son cousas de todos, oxalá veñan pero non quero centrarme niso senón en facelo ben e en axudar o equipo, e axudar a alcanzar o obxectivo. Goles cantos máis mellor pero non son o importante", defende.
Charly sabe ben o que busca Yago Iglesias nos seus equipos, non en balde coincidiu con el en Zamora e é unha das principais razóns para a súa chegada á Boa Vila. "El ten as súas ideas, e o que tentaba facer en Zamora é o que vai tentar facer aquí. Imaxino que cambiará algunhas cousas porque cada plantel é distinta pero a idea de xogo é a mesma, e o que me vai a pedir a min vai ser o mesmo da tempada pasada, tentarei seguir por esa liña e oxalá nos vaia ben", asegura.
O dianteiro chegou ao Pontevedra con ambición. "Si, somos un dos favoritos. Nós temos o obxectivo do ascenso", recoñece, "pero outros equipos tamén e demostrouse no que ficharon este verán. Non se quen é o gran favorito, hai varios, pero seguro que somos un deles, sabémolo, e desde o primeiro día imos ir con todo".
Neste sentido como rivais o 21 granate (número escollido para esta tempada) ve "así de primeiras a Compos, Avilés e tamén o Zamora reforzouse moi ben. Vai estar moi igualado. O ano pasado ninguén contaba co Arenteiro e gañou a liga bastante fácil, así que non vale de moito falar e é mellor esperar a ver como vai a liga porque pode haber sorpersas".
O que si ten claro Charly é que "empezar ben sempre é importante para calquera equipo, e máis co primeiro partido na casa", un Estadio Municipal de Pasarón que xa ansía poder pisar.
Claro que o seu desexo é outro máis grande, porque "oxalá podamos ascender este ano e para o próximo gozar da Primeira RFEF". Os seus goles terán moito que dicir para poder convertelo en realidade.
Relacionadas:
-
Iniciada a colocación dos tepes de herba natural en Pasarón
Por Mónica Patxot |
-
Mario Gómez: "Cando asinas no Pontevedra non fai falta dicir cal é o obxectivo"
Por Diego Espiño |
-
Un final de mercado co Pontevedra pendente das fichas Sub-23
Por Diego Espiño |
-
Yago Iglesias, contento co traballo ante o Compostela: "A día de hoxe pode ser titular calquera"
Por Redacción |
-
Triunfo pola mínima do Pontevedra no amigable ante o Compostela
Por Redacción |
-
Yago Iglesias, tras o empate co Arenteiro: "O que vimos no campo empézase parecer ao que queremos que sexa o Pontevedra"
Por Diego Espiño |
-
Empate fronte ao Arenteiro no cuarto partido de pretempada do Pontevedra (1-1)
Por Redacción |
-
Activada a venda en liña na campaña de socios do Pontevedra, que supera o milleiro de abonados
Por Diego Espiño |
-
O Pontevedra cede un empate no último minuto contra o Racing Villalbés, pero gaña nos penaltis (1-1)
Por Redacción |
-
Rufo: "Aínda teño moita guerra que dar"
Por Manu Otero |