Sen sorpresas no Rally de Pontevedra: Víctor Senra, campión da quinta edición
Por Almu Dapena & Cristina Saiz
O Rally de Pontevedra chegou esta fin de semana á súa quinta edición coa participación de 128 vehículos e un claro gañador: Víctor Senra, tres veces campión deste rally e vixente campión autonómico desde 2017.
A competición saíu desde Sanxenxo e transcorreu por Meaño, cun percorrido de 9,4 quilómetros; Cerdedo Cotobade, con 15,2 quilómetros; e unha zona cronometrada entre Campo Lameiro e Moraña de 11,6 quilómetros.
O gran dominador da proba ao finalizar os catro primeiros tramos foi sen dúbida Víctor Senra, que marcou os mellores tempos no seu Citröen C3 WRC para establecer unha vantaxe de +43.833 sobre Alberto Meira (Skoda Fabia Rallye 2), o seu inmediato perseguidor.
Os postos de podio pechounos Luís Vilariño no seu Hyundai i20 R5 e a +1:07.789 do primeiro.
Continuou Senra impoñendo o seu ritmo, o que lle permitiu manterse na cabeza unha vez concluíron os sete primeiros tramos.
Ampliou a diferenza con Alberto Meira en máis dun minuto (+1:04.021), Vilariño perdeu a terceira posición por unha saída de estrada ao seu paso por Meaño, e José Manuel Lamela (Skoda Fabia N5) meteuse en postos de podio a +2:13.828 do líder. O TC7 Campo Lameiro 2 foi anulado.
Senra, Meira e Lamela non cederon as tres primeiras prazas e seguiron ao seu.
O de Dumbría coroouse campión do Rally de Pontevedra por terceira vez cun tempo de 58:56.276 e sacándolle +1:17.964 ao coche de Meira, mentres que Lamela, a pesar dunha penalización de 10 segundos, completou o podio a case tres minutos (+2:53.741).
Consulta os resultados da quinta edición do Rally de Pontevedra nesta ligazón
Relacionadas:
-
O Rallye de Pontevedra contará con 120 participantes para a súa sexta edición
Por Redacción |
-
O automobilismo pontevedrés busca novas promesas con '+Talento Motor'
Por Natalia Puga |
-
Cambio de formato para o VI Rallye de Pontevedra, cun novo tramo en Moraña
Por Diego Espiño |
-
O Rallye de Pontevedra, o segundo mellor valorado do calendario pola Federación Galega
Por Diego Espiño |
-
Rally do Sur do Condado, unha oportunidade para seguir escalando postos no campionato galego para Alexis Viéitez
Por Redacción |
-
A XXIII Subida A Escusa quenta motores con 61 pilotos rexistrados
Por Diego Espiño |
-
O Rally de Pontevedra pecha inscricións con 128 participantes
Por Redacción |
-
Pilotos e mecánicos achegarán o mundo dos rallies aos alumnos do CIFP A Xunqueira
Por Redacción |
-
O Rally de Pontevedra celebra no mes de xuño á súa quinta edición
Por Redacción |
-
O tramo máis longo do V Rallie de Pontevedra disputarase o 3 de xuño no Cádabo, en Cerdedo-Cotobade
Por Redacción |
-
Luz verde da Federación a un calendario que inclúe sete rallys en chan pontevedrés
Por Redacción |