O automobilismo pontevedrés busca novas promesas con '+Talento Motor'
Por Natalia Puga
A Deputación de Pontevedra, en colaboración coa Federación Galega de Automobilismo, acaba de poñer en marcha un programa "pioneiro" destinado a apoiar o talento das persoas mozas no mundo do motor e crear canteira neste deporte na provincia.
Baixo o nome '+Talento Motor', impulsan unha "especie de academia", en palabras do presidente da Deputación, Luis López, para formar aos condutores que queiran introducirse na competición automobilística.
Este martes 14 de maio abrirá o prazo de inscrición para rexistrarse no programa. Todas aquelas persoas que queiran participar, poderán inscribirse ata o 23 de maio e o día 26 terá lugar a xornada formativa e de selección no circuíto A Madalena de Soutelo de Montes (Forcarei).
O programa está pensado para 30 prazas, aínda que os impulsores explican que poderá abirse a man a algún participante máis se hai máis interese.
Todas esas persoas acudirá o día 26 á xornada na Madalena e alí recibirán formación para ampliar coñecementos en materia de condución e tamén se fará unha competición final na que se seleccionará ao piloto gañador.
A persoa gañadora recibirá un curso de formación en condución e terá a posibilidade de correr en cinco rallies en Galicia, dous deles na provincia de Pontevedra, Rallye de Pontevedra e o Rally Sur do Condado.
O presidente e a vicepresidenta da Deputación, Luís López e Luisa Sanchez, presentaron o programa este luns no Pazo Provincial acompañados polo presidente da Federación Galega de Automobilismo, Antonio Rodríguez Troitiño, e o piloto de rallys e responsable da escuadra AMF Motorsport Alberto Meira.
Luisa Sánchez lembrou que o deporte é unha das "liñas estratéxicas" do novo Goberno da Deputación e Luís López que este programa segue este eixo de traballo e é unha "iniciativa pioneira que nunca houbo na provincia".
Antonio Troitiño explicou que, desde a Federación, búscase impulsar "unha especie de escaleira de xóvenes" coa que crear canteira e que estes novos talentos pontevedreses poidan entrar no circuíto galego e mesmo estatal.
Alberto Meira, pola súa banda, indicou que a persoa gañadora competirá neses cinco rallies cun coche Dacia ecolóxico, ao que Luis López engadiu que, por tanto, esta iniciativa é unha forma de axudar ao coidado do medio ambiente.
Relacionadas:
-
Vilaboa acolle este sábado a primeira edición da Festa do Motor
Por Redacción |
-
O Rallye Rías Baixas volverá pasar por Ponte Caldelas
Por Redacción |
-
Restricións de tráfico esta fin de semana en Portonovo polo Rallye de Pontevedra
Por Redacción |
-
O Rallye de Pontevedra contará con 120 participantes para a súa sexta edición
Por Redacción |
-
Repoboación de medio cento de carballos no casco urbano de Santa Lucía
Por Oskar Viéitez |
-
Cambio de formato para o VI Rallye de Pontevedra, cun novo tramo en Moraña
Por Diego Espiño |
-
O Rallye de Pontevedra, o segundo mellor valorado do calendario pola Federación Galega
Por Diego Espiño |
-
Sen sorpresas no Rally de Pontevedra: Víctor Senra, campión da quinta edición
Por Almu Dapena & Cristina Saiz |