O Teucro coñece o camiño que lle espera na súa loita pola permanencia en División de Honra Prata
Por Redacción
A Real Federación Española de Balonmán aclarou a composición e o camiño que lle espera a cada un dos equipos da División de Honra Prata na segunda fase da tempada.
No caso da Sociedad Deportiva Teucro, ese calendario lévalle ao grupo que pelexará pola permanencia na categoría, ao que chega cun punto de vantaxe sobre os postos de descenso tras o seu último triunfo fronte ao Bordils.
A liguiña comezará con dous equipos compartindo o liderado con 12 puntos, como son Amenabar Zarautz e Trops Málaga, seguidos de tres máis con 10 puntos entre os que que atopa o Teucro xunto a Zamora e Sarrià. Por detrás, ocupando as cinco prazas de descenso a Primeira Nacional, séguenlles Lalín con 9 puntos, Sant Martí con 7, Ikasa Madrid con 6, Bordils con 4 e o Trapagaran Eskubaloia con 0 puntos.
Segundo o calendario sorteado, os pontevedreses iniciarán a segunda fase cun partido na casa, no Pavillón Municipal dos Deportes, o sábado 20 de marzo (19.30 horas) fronte ao Zamora.
Despois chegarán dous duelos consecutivos cos dous líderes actuais, o Zarautz a domicilio e o Trops Málaga no Municipal, para terminar a primeira volta co Trapagaran fóra e o Ikasa Madrid na casa, orde de enfrontamentos que se repetirá na segunda volta que ten previsto o seu fin o 29 de maio.
Consulta o calendario completo da fase pola permanencia da División de Honra Prata.
Relacionadas:
-
O Trops Málaga, rival do Teucro na terceira xornada da fase pola permanencia
Por Redacción |
-
Un mal inicio condena o Teucro na súa visita ao Amenabar (27-24)
Por Almu Dapena |
-
Teucro e Zamora asinan un empate no primeiro partido da fase pola permanencia (23-23)
Por Almu Dapena & Cristina Saiz |
-
O Cisne afronta outra misión imposible na súa carreira pola permanencia e o Teucro inicia a fase por eludir o descenso
Por Redacción |
-
O Teucro ficha ata final de tempada a Álex Pereiro
Por Redacción |
-
O Teucro esmaga o Bordils e colle aire para afrontar a fase pola permanencia (34-24)
Por Cristina Saiz & Almu Dapena |
-
A volta de público ao Municipal, un extra para o Teucro no momento máis delicado da tempada
Por Diego Espiño |
-
Festival de goles entre Eivissa e Teucro nun partido de trámite (38-31)
Por Almu Dapena |