O Trops Málaga, rival do Teucro na terceira xornada da fase pola permanencia
Por Redacción
Nova reválida para a Sociedad Deportiva Teucro na fase pola permanencia na División de Honra Prata.
Os pontevedreses, que iniciaron a liguiña cun empate na casa fronte ao Zamora e unha derrota na pista do Zarautz, terceiro e segundo do grupo actualmente, reciben este sábado 3 de abril (19.30 horas) no Pavillón Municipal dos Deportes o líder, o Trops Málaga.
Cinco puntos separan a ambos os dous equipos na táboa (16 do Málaga por 11 do Teucro), aínda que o que en realidade importa para os teucristas é manter ou ampliar a súa distancia coa zona de descenso, agora a só un punto e cunha encarnizada loita con cinco equipos nunha marxe de só dous puntos. Por iso os de Irene Vilaboa necesitan sumar canto antes se non queren verse comprometidos.
Ao seu favor o Teucro contará cos 300 espectadores que poderán seguir o encontro, tras a última ampliación de aforo permitida polas autoridades.
Ademais os azuis contan cun plantel centrado no reto que se lles presenta, como encarna un dos seus capitáns Marko Dzokic que volverá vestir de curto a pesar dos seus problemas no xeonllo.
Relacionadas:
-
O Teucro non pode co líder e segue sen coñecer a vitoria na fase pola permanencia (23-25)
Por Almu Dapena & Cristina Saiz |
-
Un mal inicio condena o Teucro na súa visita ao Amenabar (27-24)
Por Almu Dapena |
-
Teucro e Zamora asinan un empate no primeiro partido da fase pola permanencia (23-23)
Por Almu Dapena & Cristina Saiz |
-
O Teucro ficha ata final de tempada a Álex Pereiro
Por Redacción |
-
O Teucro coñece o camiño que lle espera na súa loita pola permanencia en División de Honra Prata
Por Redacción |