O Concello conta con non poder organizar eventos deportivos polo menos ata o mes de agosto
Por Diego Espiño
Pontevedra non renuncia a albergar este ano grandes eventos deportivos, aínda que é consciente da dificultade que iso supón ante a incerteza que provocou a alerta sanitaria.
Polo momento ás cancelacións que xa se foron sucedendo nas últimas semanas, a máis recente a da sexta edición da Gladiator Race, únense as previstas para os próximos meses, e é que desde a concellería de Deportes contan con non poder organizar eventos como mínimo ata o mes de agosto.
"A día de hoxe temos cancelado xuño e posiblemente xullo", recoñeceu a PontevedraViva o concelleiro responsable, Tino Fernández.
Estas previsións supoñen a imposibilidade de levar a cabo citas xa clásicas como o Torneo Internacional de Fútbol 7 Benxamín organizado polo Portero 2000 e previsto para o 13 e 14 de xuño e outras que se pretendían acoller como o Campionato de Europa de Fútbol Gaélico (17-20 de xullo).
"Estamos un pouco a expensas do que nos vaia chegando do Consello Superior de Deportes e o Ministerio", explica o edil, que tampouco conta con poder levar a cabo o Campionato de España Sprint de Piragüismo (31 de xullo ao 2 de agosto) a pesar de que a Federación non o suspendera aínda de maneira oficial.
Para outros eventos con todo trabállase en recolocalos no calendario ou en tentar mantelos ao estar previstos para os últimos meses do ano. É o caso por exemplo da que ía ser a segunda edición do Pro Tour de tríatlon, competición que reúne aos mellores triatletas elite nacionais estreada na Boa Vila a pasada tempada e que estaba xa comprometida a Pontevedra para o mes de setembro.
Pese ao interese, co tríatlon nacional e internacional aínda no aire "eu véxoo moi complicado", asegura Fernández.
Outras citas para tentar conservar no calendario serían a Copa de España de Ciclocrós de categoría C1 prevista para o 3 de outubro, e que supón un paso máis no obxectivo de aspirar a unha proba da Copa do Mundo primeiro e ao Mundial da especialidade despois, e tamén o Campionato de España de Loitas Olímpicas, aprazado da súa data inicial e ao que se lle busca acomodo "cara a final de ano, posiblemente en decembro".
Ademais, o 20 de setembro mantense polo momento a etapa final da Copa de España de natación en augas abertas no encoro de Pontillón do Castro, Verducido.
Relacionadas:
-
Deportes incrementa o seu orzamento en 275.000 euros para afrontar as medidas de prevención da Covid
Por Redacción |
-
O reaxuste do calendario nacional de tríatlon podería aprazar o campionato galego de Pontevedra
Por Manu Otero |
-
As instalacións deportivas municipais seguirán pechadas en xuño
Por Redacción |
-
Aprazado sen data o Campionato de España Sprint de piragüismo que se ía a celebrar en Verducido
Por Redacción |
-
O Concello manterá pechadas as instalacións deportivas municipais durante a fase 2
Por Redacción |
-
O torneo de fútbol 7 Cidade de Pontevedra previsto para o 13 de xuño, suspendido polo coronavirus
Por Redacción |
-
O Concello ponse ao día no pago das axudas para as escolas deportivas municipais
Por Redacción |
-
Suspendida a III Subida a Cerdedo-Cotobade prevista para principios de agosto
Por Redacción |
-
Pontevedra, convidada as charlas telemáticas 'Fagamos do Tríatlon un Deporte Seguro' que organiza a FETRI
Por Redacción |
-
Suspendida a sexta edición da Gladiator Race, que valora nova data ou "directamente pospoñela a 2021"
Por Redacción |
-
Canceladas as competicións nacionais de piragüismo ata o 27 de xuño afectando ás que se ían a celebrar en Pontevedra
Por Redacción |
-
Suspendido o campionato de España de ximnasia acrobática que ía acoller Pontevedra en xuño
Por Redacción |
-
Aprazada ata o 12 de setembro a Pontevedra 4 Picos Bike
Por Redacción |
-
Preocupación no Concello ante a posibilidade de ter que "reprogramar todo e prescindir dalgúns eventos" deportivos
Por Diego Espiño |