Vitoria contundente do TM Monte Porreiro fronte ao Alacante (1-4)
Por Redacción
Despois do parón da fin de semana pasada, o Tenis de Mesa Monte Porreiro regresou á competición para visitar ao Alacante na novena xornada de Superdivisión masculina.
Horacio Cifuentes e Arberto Lillo foron os encargados de abrir o choque, que se inclinou a favor do xogador visitante cun claro 3-0. O Alacante reaccionaba empatando ao superar Artem Zimarin ao de Pontevedra, Ignacio Fernández. A partir de aí, o Monte Porreiro sentenciou cos triunfos dos seus xogadores.
En primeiro lugar, Guillermo Martínez derrotaba a Vitali Murzin para deixar paso ao seu compañeiro Horacio Cifuentes que saía á pista para vencer a Artem Simarin, ambos cun contundente 3-0. O 1-3 lucía no marcador global e volvía a quenda de Ignacio Fernández que esta vez non defraudou e sentenciou fronte Alberto Lillo.
Con este resultado, o Visit Pontevedra segue no quinto posto da competición empatado a 12 puntos co Arteal TM.
Na próxima xornada, o conxunto pontevedrés recibirá no Pavillón do Príncipe Felipe ao Universidade de Burgos, oitavo clasificado con sete puntos.
Consulta a acta do partido Asssa Alacante-Visit Pontevedra na seguinte ligazón.
Pola súa banda, o equipo feminino de Monte Porreiro venceu con contundencia na súa visita ao Autoescola Cinania de Cangas.
As xogadoras do Visit derrotaron por 0-6 ás canguesas, situadas no noveno posto con seis puntos.
Con este resultado, o Monte Porreiro logra a súa sexta vitoria esta tempada e sitúase en quinta posición con 12 puntos.
Consulta a acta da partido Autoescola Cinania- Visit Pontevedra na seguinte ligazón.
Relacionadas:
-
O TM Monte Porreiro vence con contundencia ao Leganés (4-0)
Por Redacción & Diego Torrado |
-
O TM Monte Porreiro regresa á competición con derrota fronte ao Borges Vall (4-0)
Por Redacción |
-
O TM Monte Porreiro cede un empate na visita do Universidade de Burgos
Por Redacción |
-
O TM Monte Porreiro vence o San Sebastián de los Reyes e suma a súa quinta vitoria esta tempada (4-2)
Por Redacción |
-
Segunda vitoria consecutiva do Tenis de Mesa Monte Porreiro tras gañar o AD Vincios (1-4)
Por Redacción |
-
Importante vitoria do Tenis de Mesa Monte Porreiro ante o Arteal na Superdivisión masculina
Por Redacción |
-
O TM Monte Porreiro, sen opción ante o Irun Leka Enea e cae con claridade (4-0)
Por Redacción |