Lloves rescinde o seu contrato co Pontevedra
Por Diego Espiño
A segunda etapa de Sergio Lloves no Pontevedra Club de Fútbol xa é historia. O gardameta desvinculouse do club granate e este luns xa non adestrou cos seus compañeiros no campo de Príncipe Felipe.
Lloves solicitara a baixa federativa ao club ao contar cunha importante oferta dun equipo centroamericano.
A pesar de estar o acordo practicamente pechado esta operación foise ao traste nas últimas horas, o que non evitou que o Pontevedra continuase adiante coa baixa do xogador.
Agora a entidade de Pasarón deberá reforzar a súa portería no mercado invernal, sendo a primeira opción a de incorporar a un gardameta en idade sub-23 para liberar así unha ficha senior, coa idea de fichar tamén un dianteiro que compita por un posto con Borjas e Pablo Carnero.
CAMPILLO E CARNERO, Á MARXE
A volta ao traballo tras o triunfo en Guijuelo desenvolveuse con grande ambiente entre o plantel granate, aínda que a batalla contras o adversario e a climatoloxía en terras salmantinas deixou secuelas.
Campillo, cun forte golpe nun nocello, exercitouse á marxe do grupo, aínda que se espera que tras a xornada de descanso poida adestrar con normalidade. Ademais Pablo Carnero continúa a menor ritmo ao persistir as molestias que arrastra e Mouriño segue sen poder adestrar por mor da súa operación de apendicite.
Na parte positiva da balanza, Álex Fernández evoluciona favorablemente da súa lesión acurtando os prazos de recuperación, aínda que estará afastado dos terreos de xogo un par de semanas máis.
Relacionadas:
-
Tubo desvincúlase do Pontevedra para comprometerse co Boiro
Por Redacción |
-
Pontevedra e Cacereño aburren nun partido con pouco fútbol e sen ocasións (0-0)
Por Ramiro Espiño & Diego Torrado |
-
Un Cacereño curto de efectivos mide o bo momento do Pontevedra
Por Diego Espiño |
-
A difícil situación de Company no Huracán de Valencia: "Llega un momento en el que no te queda nada"
Por Diego Espiño |
-
O Pontevedra pesca no Huracán de Valencia e ficha ao porteiro sub-23 Vicente Company
Por Diego Espiño |
-
Alerta amarela no Pontevedra
Por Diego Espiño |
-
Contra vento e marea o Pontevedra gaña un partido de loita en Guijuelo (0-1)
Por Redacción |
-
Incorporar un dianteiro, prioridade do Pontevedra no mercado invernal
Por Diego Espiño |