Incorporar un dianteiro, prioridade do Pontevedra no mercado invernal
Por Diego Espiño
A boa marcha do Pontevedra en liga non evita que o club granate se atope sondando o mercado para completar o plantel con algunha incorporación ao longo do mes de xaneiro.
O club fixa a súa prioridade en lograr a contratación dun dianteiro "que tenga un buen nivel para pelear por el puesto" con Borjas e Pablo Carnero porque "tenemos sólo dos en plantilla y no queremos arriegarnos a una lesión", recoñeceu o responsable da dirección deportiva, Roberto Feáns.
Na actualidade o Pontevedra non conta con ficha senior dispoñible, pero si sub-23, aínda que a situación pode cambiar tras solicitar Lloves a súa baixa federativa, segundo desvelou este martes Xaime Nogueira en Diario de Pontevedra.
O gardameta ten sobre a mesa unha oferta dun club estranxeiro, polo que trasladou esta situación ao club e tamén ao seu adestrador, Luisito. A súa saída, que só se produciría se se atopa un relevo de garantías para competir con Edu, deixaría unha ficha senior libre a falta de saber se o novo porteiro é ou non sub-23.
De todos os xeitos, en relación a posibles marchas "a día de hoy no nos planteamos la salida de ningún jugador", sinalou Feáns, ao estar satisfeito co rendemento que está a dar ata o momento o plantel.
SEN DESCANSO POLA COPA FEDERACIÓN
O Pontevedra afronta de novo unha semana diferente na súa preparación da próxima xornada ligueira, o vindeiro domingo de novo a domicilio ante o Guijuelo.
A ida dos oitavos de final de Copa Federación ante o Rápido de Bouzas, prevista para este mércores ás 17:00 horas no Estadio Municipal de Pasarón, obriga ao corpo técnico a programar unha semana sen xornada de descanso.
Luisito, como vén sendo habitual na competición copeira, dará oportunidade aos futbolistas menos habituais.
Relacionadas:
-
O Pontevedra pesca no Huracán de Valencia e ficha ao porteiro sub-23 Vicente Company
Por Diego Espiño |
-
Alerta amarela no Pontevedra
Por Diego Espiño |
-
Lloves rescinde o seu contrato co Pontevedra
Por Diego Espiño |
-
Contra vento e marea o Pontevedra gaña un partido de loita en Guijuelo (0-1)
Por Redacción |
-
Pontevedra e Guijuelo, papeis cambiados unha volta despois
Por Diego Espiño | Creada e actualizada
-
Un Pontevedra sen actitude obrígase a remontar tras caer fronte a un Rápido de Bouzas superior (2-3)
Por Ramiro Espiño & Diego Torrado |
-
Un gris Pontevedra encoméndase a Edu para rabuñar un valioso punto en Burgos (1-1)
Por Redacción |
-
Sergio Lloves decide seguir no Pontevedra rexeitando unha oferta do Rápido de Bouzas
Por Ramiro Espiño |