Yago Iglesias, tras o triunfo no Luis Otero: "O equipo progresa adecuadamente"
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
O adestrador do Pontevedra Club de Fútbol, Yago Iglesias, mostrouse satisfeito co rendemento do seu equipo a dúas semanas do inicio da liga, tras o triunfo en Trofeo Luis Otero fronte ao CD Lugo.
"As sensacións foron moi boas, a verdade é que o partido estivo ao nivel que esperabamos. Estamos contentos sobre todo coa imaxe do equipo, que tanto os que continúan, como os novos e os mozos da canteira están a entender moi ben o que queremos e iso transmítese no campo", afirmou o técnico.
Especialmente importante para o preparador granate foi o non encaixar gol e recibir pouco perigo dun equipo de superior categoría, e é que "o que queremos este ano é dar un paso adiante niso, ser un equipo máis agresivo, que sexa capaz de estar 90 minuto apertando en campo contario e o maior tempo posible lonxe da nosa portería, e así foi o partido", explicou Yago.
"O equipo progresa adecuadamete, creo que o equipo teñen unha identidade marcada do ano pasado e os novos están a adaptarse á perfección", reiterou.
Por último o adestrador granate, a preguntas dos xornalistas, referiuse ás fichaxes que, a priori, aínda debe realizar o Pontevedra para completar o plantel, xa que "a realidade é que hai algún posto a que non temos dobrado, que só temos un xogador. Quedando tempo para que empece a competición e tendo fichas sub 23 sempre estamos abertos ao que poida aparecer", recoñeceu Yago Iglesias.
Relacionadas:
-
Yago Iglesias pide aos seus "fame, ganas, que a competición empeza e queremos facelo con bo pé"
Por Diego Espiño |
-
Vitoria do Pontevedra en Cambados no penúltimo test de pretempada (1-3)
Por Diego Espiño |
-
Deberes para o Pontevedra a menos de dúas semanas para o peche do mercado de fichaxes
Por Diego Espiño |
-
O Pontevedra leva o Trofeo Luis Otero ao vencer o Lugo (1-0)
Por Diego Espiño & Cristina Saiz |
-
"Una prueba más" para Yago Iglesias nun Pontevedra que está "afianzando ideas"
Por Diego Espiño |
-
Triunfo do Pontevedra contra o Estradense na cuarta cita da pretempada (1-2)
Por Redacción |
-
Borja Domínguez, tres semanas de expediente sen resolver no Pontevedra
Por Diego Espiño |