O presidente da Deputación atribúe as críticas do PSOE á súa "desorientación" tras a derrota electoral
Por Oskar Viéitez
O presidente da Deputación de Pontevedra, Luís López, manifestou que "a desorientación que ten o PSOE motivada pola súa derrota electoral é cada vez máis rocambolesca" en relación á denuncia do portavoz socialista Carlos Font dun "galopante proceso de baltarización" na administración provincial.
A preguntas dos xornalistas nunha comparecencia celebrada este venres en Pontevedra, Luís López sinalou que no PSdeG-PSOE "ou se ten mala memoria ou os datos téñenos mal" cando o partido da oposición reprocha a actuación do actual goberno provincial en materia de recursos humanos.
O presidente da Deputación lembrou que o proceso de funcionarización de 79 prazas do persoal laboral aprobouno o anterior goberno bipartito e en canto aos postos de persoal eventual "temos os mesmos que tiñan eles: 18, pero coa condición de que nós só temos cubertos doce".
Para Luís López unha "crítica tan dura" como a feita polo Partido Socialista "só pode ser resultado dese shock no que aínda están" e engadiu que "xa pasaron dous meses pero aínda non se dan recuperado".
Por último, o presidente da Deputación de Pontevedra asegurou que "nada me sorprende recibir leccións de transparencia daqueles que protagonizaron o ‘caso cuñada’", polo que un ex funcionario do Concello de Vigo foi condenado pola Audiencia Provincial por ‘enchufar’ a unha familiar da anterior presidenta da Deputación de Pontevedra, Carmela Silva.
"Pontevedra, por desgraza, aínda non ten unha oposición á altura dos pontevedreses", lamentou Luís López.
Relacionadas:
-
Luis López lamenta o "sectarismo" no que está "inmerso" o PSOE
Por Oskar Viéitez |
-
O presidente da Deputación traslada ao alcalde de Vilagarcía o compromiso de reforzar os investimentos nos concellos
Por Redacción |
-
O PSOE afirma que o presidente da Deputación é "apocado y acomplejado" e está "escondido" dos alcaldes
Por Oskar Viéitez |
-
A Deputación porá en marcha unha rede de comercio local en Campo Lameiro, Cuntis e Meis
Por Oskar Viéitez |
-
O PSOE denuncia a "baltarización" da Deputación de Pontevedra
Por Oskar Viéitez & Mónica Patxot |
-
Luis López remite unha carta aos alcaldes da provincia na que avanza a aposta da Deputación polos investimentos nos concellos
Por Redacción |
-
O PSOE reclamará no Pleno da Deputación que o PP renuncie a repartir fondos "a dedo" e continúe co Plan Concellos
Por Oskar Viéitez |