O presidente da Deputación traslada ao alcalde de Vilagarcía o compromiso de reforzar os investimentos nos concellos
Por Redacción
O presidente da Deputación de Pontevedra, Luis López, trasladou ao alcalde de Vilagarcía, Alberto Varela o compromiso do goberno provincial de reforzar os investimentos nos concellos. Fíxoo nun encontro de traballo que tivo lugar este mércores no Concello arousán e que serviu para repasar proxectos en común de ambas as administracións que están en marcha e de futuro.
Na reunión, que durou arredor dunha hora, os dous dirixentes analizaron investimentos vindeiros dos que Luis López insistiu en que "a aspiración da Deputación no é só manter, senón reforzar os investimentos nos concellos para relanzar a transformación da provincia en todos os recunchos". Do mesmo xeito, trataron tamén traballos en marcha e estudaron a posible flexibilización de prazos nalgunhas obras.
Neste sentido, subliñou o presidente que nos Orzamentos do 2024 o goberno da Deputación vai potenciar os investimentos nos municipios. Unha iniciativa que servirá para dar a Vilagarcía, a terceira cidade da provincia, "un empuxe maior para a consecución de fondos que permitan executar proxectos de interese para a cidadanía", declarou o dirixente provincial.
"Garantimos colaboración, lealdade institucional máxima e cooperación. Todos os concellos son importantes para configurar unha provincia con moito máis futuro, no que Vilagarcía xoga un papel clave", defende Luis López, quen puntualiza que "así como garantimos compromiso, tamén pedín ao alcalde facilidades e axilidade para materializar eses investimentos".
O trato cordial entre os dous dirixentes marcou o ton desta segunda visita do presidente da Deputación a alcaldes da provincia. Unha visita singular porque "Vilagarcía ten un significado especial para min, é a miña casa e o lugar onde están a crecer os meus fillos", confesou o mandatario provincial agradecendo ao rexedor Alberto Varela o recibimento e o interese por manter esta entrevista.
Relacionadas:
-
Luis López convoca a todos os alcaldes para explicar o novo plan de investimentos da Deputación
Por Oskar Viéitez |
-
A Deputación mobiliza recursos por 4,2 millóns de euros
Por Oskar Viéitez |
-
A Deputación aborda co seu ministro de Sanidade as necesidades de cooperación cos campamentos de refuxiados do Sáhara
Por Redacción |
-
O presidente da Deputación atribúe as críticas do PSOE á súa "desorientación" tras a derrota electoral
Por Oskar Viéitez |
-
Luis López remite unha carta aos alcaldes da provincia na que avanza a aposta da Deputación polos investimentos nos concellos
Por Redacción |