Queda atrapada co seu coche na Rúa Santiña queixándose da mala sinalización tras o rebentón dunha tubaxe
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
Os veciños da Santiña quéixanse desde hai días da situación da rúa, especialmente tras o rebentón dunha tubaxe de auga no mesmo lugar que fai unhas poucas semanas.
Este panorama agravouse este venres coas instensas choivas caídas durante unhas horas e que abrandaron o terreo no que se procedeu a reparar a tubaxe, aínda sen un firme en condicións.
Iso, unido ao que denuncian como mala sinalización da incidencia, ocasionou que unha veciña da rúa quedase atrapada co seu coche ao afundirse unha roda dianteira do mesmo.
Aínda que tentaron sacar o vehículo empuxándoo, resultou imposible polo bulleiral, tendo que dar aviso por unha banda á Policía Local e solicitar ademais a intervención dun guindastre.
A rúa foi cortada ao tráfico, polo que os veciños pediron permiso á Policía para poder entrar ata as súas casas e garaxes en sentido contrario mentres non se restablece a normalidade.
Relacionadas:
-
"Camiño despexado" para que a reforma da Rúa Santiña comece "en xaneiro ou febreiro"
Por Alejandro Espiño |
-
A reforma da Rúa Santiña sairá a licitación a próxima semana
Por Oskar Viéitez |
-
O Concello de Pontevedra, "ate o moño" de Patrimonio pola paralización da reforma da rúa Santiña
Por Oskar Viéitez |
-
Europa concede máis de 2,7 millóns de euros para a reforma da Santiña e instalación de sensores para mellorar o tráfico
Por Mónica Patxot & Anxo Lourido |