O Parque de Bombeiros de Vilagarcía, sen servizo este luns debido ao conflito laboral
Por Anxo Lourido
Este martes atópase inoperativo o parque de bombeiros de Vilagarcía, que cobre tanto este municipio como Vilanova, A Illa ou Caldas de Reis. Esta situación inclúese dentro da folga provincial que, desde hai tres meses, protagonizan os bombeiros do consorcio provincial.
Anuncian tamén que, en breve, este paro será secundado por bombeiros de toda Galicia debido ao que a representación sindical considera que se están a incumprir os compromisos adquiridos polo consorcio, formado pola Xunta de Galicia e a Deputación de Pontevedra, en relación ás condicións do persoal laboral fixo dos parques dependentes deste consorcio. Demandan, ademais, a firma dun convenio autonómico do sector de bombeiros comarcais.
Ata o momento, segundo indican as mesmas fontes, malia o déficit estrutural de persoal sempre se mantiveron abertos os parques grazas a que os traballadores aumentaban a súa xornada laboral de forma voluntaria.
Sinalan que, en ocasións, alcanzaban as 200 horas extra anuais por bombeiro para poder ofrecer o servizo á cidadanía. Para cada quenda é preciso un mínimo de tres traballadores. Nesta xornada non se cumpría este requisito e o parque mantívose inactivo, segundo fontes sindicais.
Desde que o colectivo iniciou a folga deixaron de realizar as horas extra voluntarias e as carencias obrigan ao peche, nesta xornada de luns 12 de xuño, tanto do parque de Vilagarcía de Arousa como tamén do de Porriño, dentro da provincia.
Relacionadas:
-
Proposta dos consorcios provinciais para frear a folga dos bombeiros: suba salarial nun 10% e aumento de efectivos
Por Anxo Lourido & Mónica Patxot |
-
A Deputación acusa os bombeiros comarcais en folga de incumprir os servizos mínimos
Por Anxo Lourido |
-
Bombeiros dos parques comarcais de Galicia abordan a Deputación para demandar mellores condicións laborais
Por Mónica Patxot & Anxo Lourido |
-
Arde parte do antigo balneario de Vilagarcía
Por Redacción | Creada e actualizada
-
A Xunta e as deputacións acordan continuar as negociacións para a prestación do servizo contraincendios
Por Redacción |
-
Investigan un home, vinculado ao conflito laboral dos bombeiros, por incendiar contedores de lixo no Morrazo
Por Redacción |
-
Aprobado no pleno provincial un investimento de 2,5 millóns de euros para o consorcio contra incendios
Por Redacción |
-
O parque de bombeiros de Vilagarcía pechou este xoves por falta de persoal
Por Oskar Viéitez |
-
Traballadores do Consorcio de Bombeiros denuncian falta de persoal que o día de Reis obrigou a pechar o parque de Vilagarcía
Por Redacción |