Pontevedra reclama ampliar O Campiño antes de 2026 para non "estrangular" a demanda de solo industrial
Por Alejandro Espiño
Apenas trece parcelas sen ocupar quedan entre O Campiño e A Reigosa. Algunhas máis, dezanove, quedan no polígono de Barro. Pontevedra estima que, a medio prazo, a comarca deberá ampliar a súa oferta de chan industrial para seguir sendo competitiva.
Así o sostén o alcalde, Miguel Anxo Fernández Lores, que instou á Xunta de Galicia a impulsar a ampliación do polígono do Campiño, unha actuación que o propio goberno galego incluíu en 2014 no plan sectorial de áreas empresarias de Galicia.
Xa figuraba no PXOM que aprobou no seu día o Concello, tombado por informes negativos da Xunta. E a propia Xestur, a sociedade que xestiona o chan industrial en Galicia, consideraba esta ampliación do polígono pontevedrés como "estratéxica", lembrou Fernández Lores.
O plan aprobado pola Xunta recollía que esta ampliación, que incorporaría a O Campiño máis de 342.000 metros cadrados entre o polígono actual e a antiga canteira de Marcón, executaríase entre os anos 2015 e 2024. Pero, a día de hoxe, non se tramitou nada.
Esta previsión para dotar á comarca de Pontevedra de máis chan industrial, segundo o alcalde de Pontevedra, é necesaria para "non estrangular" a demanda que poida existir no sector.
"Hai na cidade unha altísima actividade económica que non queremos que se free", apuntou o rexedor pontevedrés, que reitera que para logralo "é necesario que haxa máis terreos industriais" como as que ofertaría esta ampliación.
O Concello defende que esta actuación podería executarse por fases e a administración municipal colaboraría "no que se nos pida", fundamentalmente en ampliar as redes de abastecemento e saneamento que ha existen nesta área empresarial.
A este respecto, Miguel Anxo Fernández Lores demandou que esta ampliación se execute antes de 2026 e insistiu en que aumentar o tamaño do Campiño "é de sentido común" porque este xa conta con todos os servizos necesarios.
"É o momento de tomar decisións", subliñou Fernández Lores, que apunta que O Campiño e Fragamoreira (Poio) son as únicas áreas que contempla a Xunta para dotar de chan industrial á comarca, tras rexeitar propostas en Vilaboa, Marín ou a propia Pontevedra.
Relacionadas:
-
Asenta no polígono de Outeda outra empresa do sector da alimentación
Por Redacción |
-
O viveiro de empresas de Barro acolle a edición máis feminina do programa SmartPeme
Por Redacción |
-
Lores reclama a Rueda que abandone as "escusas de mal pagador" e amplíe O Campiño
Por Alejandro Espiño |
-
Xerra de auga fría á ampliación do Campiño: "Imos primeiro a enchelo", afirma Rueda
Por Alejandro Espiño |
-
A "indiscutible" figura de Magín Froiz, o único que une a toda a corporación
Por Alejandro Espiño & Mónica Patxot |
-
Instan á Xunta a que transfira as competencias do polígono de Fragamoreira ao Concello de Poio
Por Oskar Viéitez |
-
O PP de Pontevedra tamén pedirá á Xunta a ampliación do parque empresarial do Campiño
Por Oskar Viéitez |
-
O PP reivindica a súa xestión na posta en marcha do Polígono de Barro
Por Oskar Viéitez |
-
Andrés Díaz pide á Xunta a ampliación do polígono empresarial da Reigosa
Por Redacción |
-
O PP responsabiliza a Lores de que non se creara "nin un só metro" de solo industrial en 24 anos
Por Redacción |
-
Zona Franca, "disposta" a implicarse para impulsar o polígono de Fragamoreira
Por Alejandro Espiño |