Fiscalía pide oito anos de prisión para un pontevedrés que violou nun bosque a unha amiga menor de idade
Por Oskar Viéitez
A Fiscalía de Pontevedra solicita unha condena de oito anos de prisión para un pontevedrés que supostamente violou a unha amiga que no momento dos feitos tiña 16 anos de idade.
O xuízo foi sinalado para o vindeiro xoves 3 de novembro na Sección segunda da Audiencia de Pontevedra.
Os feitos que se xulgan terían lugar o 28 de abril de 2019. Segundo o relato da Fiscalía no seu escrito de acusación o acusado atopábase nunha "zona montaraz e apartada, situada dentro do termo municipal de Pontevedra" acompañado da súa amiga cando "coa finalidade de satisfacer o seu apetito sexual, así como de atentar contra a libre determinación sexual daquela", empuxouna contra unha árbore e penetrouna vaginalmente superando a súa resistencia.
A vítima en todo momento "rogaba encarecida e reiteradamente ao procesado que parase porque non quería manter relacións sexuais con el, facendo este caso omiso aos devanditos requirimentos".
Ademais dos oito anos de cárcere, a Fiscalía solicita que se lle impoña ao procesado unha orde de afastamento de seis máis e o pago dunha indemnización de 3.000 euros en concepto de danos morais.
Relacionadas:
-
Absolven por falta de probas un mozo xulgado por agresión sexual a unha menor en Valdecorvos
Por Natalia Puga |
-
A Fiscalía mantén a petición de oito anos de prisión para un mozo acusado de agresión sexual a unha menor en Valdecorvos
Por Mónica Patxot & Anxo Lourido |
-
A responsabilidade dos homes e o negacionismo no foco da campaña do 25N en Pontevedra
Por Oskar Viéitez |
-
O IES As Bizocas do Grove participará nunha nova edición de "Canteira de igualdade"
Por Redacción |
-
Condenado un home que abusou da parella do seu fillo, cunha discapacidade do 65%, e transmitiulle unha ETS
Por Natalia Puga |