"Profundamente preocupados" en Pontevedra pola evolución do incendio da Fracha, que ataca o parque forestal
Por Natalia Puga
Creada e actualizada
Creada e actualizada
O incendio forestal declarado na tarde do venres no monte da Fracha ten "profundamente preocupados" aos responsables políticos do Concello de Pontevedra, que amosan a súa inquedanza pola situación que están a vivir os veciños das parroquias da Canicouva e Ponte Sampaio, en concreto, no lugar do Vilar, que pasaron a noite sen durmir, "como é normal".
Así o sinalou este sábado a concelleira de Protección Cidadá de Pontevedra, Eva Vilaverde, que sinalou que durante toda a madrugada tanto a Policía Local como os bombeiros de Pontevedra mantivéronse alerta e colaborando cos veciños tanto na Canicouva como no Vilar para axudalos nos momentos complicados que están a vivir
A noite foi "tensísima", sobre todo, para os veciños afectados na Canicouva e O Vilar, que pasaron todas as horas da madrugada "preocupados polas súas casas porque podían correr perigo" e Eva Vilaverde asegura que desde o Concello estiveron "prestando toda a colaboración que fose necesaria" co operativo de extinción despregado pola Consellería de Medio Rural
Así, varias patrullas da Policía Local e dos bombeiros estiveron colaborando "dado que temos moito máis coñecemento do terreo e das pistas e dos accesos". Estiveron tamén atentos á zona do polígono do Camiño, na outra parte do monte da Fracha, moi próximo á parroquia de Xustáns, en Ponte Caldelas, que foi orixe do lume e está a vivir tamén momentos complicados.
A última estimación oficial da Xunta de Galicia sobre a extensión afectada fala, con datos das 13.30 horas, de 150 hectáreas en Pontevedra e Ponte Caldelas e mantense activa a situación de emerxencia 2 como medida preventiva pola proximidade ao núcleo da Canicouva.
A última hora da mañá deste sábado "aínda segue ardendo moito" e desde o Concello ven "con tristura" que o lume está no parque forestal da Fracha. "Non sabemos como vai quedar", lamentan.
Así, están pendentes dos veciños, da poboación, e agardan que os medios aéreos de extinción que comezaron a traballar durante a mañá -pola noite tiveron que interromper os traballos- "consigan xa controlar o incendio".
De momento "aínda está ardendo moito e non está aínda controlado", deixando un incendio que "xa é importante" e no que Eva Vilaverde ve que "a cruad realidade dos incendios forestais en Galicia é esta que temos, un auténtico polvorín".
Así, Vilaverde sinalou que nestes momentos "loxicamente hai que curar a ferida", pero "non é suficiente, hai que ir á orixe da ferida", que é o dun monte "afectado polo monocultivo de eucalipto e por unha falta de ordenación e de produción absoluta".
Relacionadas:
-
Castiñeiros, carballos e piñeiros para rexenerar A Fracha tras o incendio da Canicouva
Por Alejandro Espiño |
-
Técnicos municipais avaliarán esta semana os danos que o incendio causou no Parque forestal da Fracha
Por Redacción |
-
Medio Rural dá por controlado o incendio da Fracha dous días e medio despois de empezar a arder
Por Natalia Puga |
-
Estabilizado o incendio no monte da Fracha: agora toca avaliar danos
Por Natalia Puga |
-
"Evoluciona favorablemente" o lume que xa arrasou 380 hectáreas de Pontevedra e Ponte Caldelas
Por Natalia Puga | Creada e actualizada
-
A devastación que deixa ao seu paso o incendio no monte da Fracha
Por Natalia Puga & Cristina Saiz & Almu Dapena |
-
O incendio do monte da Fracha, sen control, arrasa xa 350 hectáreas
Por Natalia Puga | Creada e actualizada
-
Noite en alerta na Canicouva, Ponte Sampaio e Ponte Caldelas polo incendio da Fracha, que arrasa 150 hectáreas
Por Natalia Puga | Creada e actualizada
-
Decretan a situación de alerta 2 no incendio da Fracha pola proximidade ás casas da Canicouva
Por Natalia Puga & Cristina Saiz | Creada e actualizada