García Comesaña accede a reforzar con médicos residentes "algúns PAC" do Salnés durante este verán
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Julio García Comesaña, conselleiro de Sanidade, mantiña este martes un encontro con alcaldes da comarca do Salnés, que mostraran a súa preocupación pola situación sanitaria actual debido á falta de facultativos nos Puntos de Atención Continuada (PAC) desta zona, como veñen denunciando os profesionais sanitarios durante as últimas semanas.
O máximo responsable da sanidade en Galicia indicou que os representantes municipais comprenderan esa ausencia de médicos por vacacións e imprevistos pero manifestou que comparte a inquedanza por esta situación.
Por este motivo, anunciou que desde a Consellería tentarán atender a estas demandas da poboación e tamén dos profesionais garantindo a presenza dun médico en cada un dos PAC. A eles sumarase un médico residente de medicina de familia (R4) nalgúns destes Puntos de Atención Continuada, tal e como se demandou por algún dos rexedores. Atoparanse, do mesmo xeito que sucede nos servizos de urxencias dos centros hospitalarios, baixo a supervisión e acompañamento do médico titular.
García Comesaña recoñeceu que continúa traballando na procura de facultativos e lembrou que a finais de setembro incorporaranse ao área sanitaria de Pontevedra-O Salnés once novos médicos dispoñibles na convocatoria de 106 que adquirirán praza en propiedade a través do concurso de méritos. Estes profesionais contarán con dous gardas, polo menos, ao mes nos PAC.
O conselleiro de Sanidade afirmou que manterá contacto cos alcaldes ao longo das próximas semanas e agradeceu o traballo da profesionais da área sanitaria e, en concreto, da comarca do Salnés.
Solucións ante a falta de facultativos nos PAC do Salnés
Julio García Comesaña. Conselleiro de Sanidade
© Consellería de Sanidade
Relacionadas:
-
Ponte Sampaio queda sen médico no centro sanitario en agosto ata que se atope un suplente
Por Redacción |
-
Os municipios da comarca mostran a súa inquietude pola "preocupante" situación da atención primaria
Por Diego Espiño |
-
Ponte Caldelas sairá á rúa pola situación "insostenible" do centro de saúde
Por Redacción |
-
O Sergas garante que todos os PAC da área sanitaria teñen médico este martes
Por Redacción |
-
O CESM responsabiliza a Rueda pola súa "inacción" do "caos sanitario" que vive a área
Por Oskar Viéitez | Creada e actualizada
-
A falta de médicos en cinco PAC da área sanitaria satura os servizos de urxencias
Por Oskar Viéitez |