A Escola de Educación Infantil (EEI) Concepción Crespo Rivas estreou a nova intervención artística do proxecto 'O teu cole na historia'.

A acción, impulsada pola concellería de Educación e o equipo creativo de Polo Correo do Vento, supuxo o pintado dun mural nunha das paredes do centro.

En concreto a pintura está presidida pola mestra que dá nome á escola, e nela aparecen ademais reflectidos o invernadoiro co que traballa o alumnado e a asociación ecoloxista Vaipolorío por unha banda e polo outro se lembra ás lavandeiras e a antiga estación de ferrocarril que estaba situada no actual barrio de Campolongo.

'O teu cole na historia' estreou ata a data murais no CEIP Praza de Barcelos, Daría González, A Xunqueira I, A Xunqueira II, Álvarez Limeses, Froebel, Parada-Campañó, Cabanas, Ponte Sampaio, San Martiño, San Benito de Lérez, Manuel Vidal Portela, Santo André de Xeve, o CEP Campolongo, Marcos da Portela e as EEI Fina Casalderrey, Crespo Rivas e Verducido.