Chega á Audiencia un novo caso de abuso sexual dun home á filla da súa parella
Por Oskar Viéitez
A Sección Segunda da Audiencia Provincial de Pontevedra sinalou para o vindeiro xoves día 6 de maio un xuízo por un delito de abuso sexual.
Xúlgase a un sospeitoso de abusar sexualmente de maneira continuada da filla da súa parella, unha nena que é menor de idade. O Ministerio Fiscal pide para el unha condena de doce anos de cárcere, oito de liberdade vixiada e que indemnice á vítima con 25.000 euros.
A Fiscalía no seu escrito de acusación, asegura que os abusos comezaron a tarde do fin de ano de 2017 no domicilio familiar que compartían o acusado, a súa parella e a filla desta.
Os tocamentos á nena "sen o seu consentimento e contra a súa vontade" producíanse, segundo consta nas conclusións preliminares do Ministerio Público, cando o acusado entraba no dormitorio da pequena "coa escusa de darlle as boas noites", ou cando a atopaba pola casa e a nai estaba durmida, non estaba preto ou estaba ocupada.
Tras a denuncia da nai da menor, o Xulgado de Instrución número 2 de Tui decretou en outubro de 2018 unha orde de afastamento do acusado sobre a vítima.
Relacionadas:
-
Rebaixan de oito a seis anos de prisión a pena dun condenado que abusaba continuadamente da filla da súa parella
Por Redacción |
-
Detido un veciño de Pontevedra por acumular imaxes de adultos abusando sexualmente de menores
Por Redacción |
-
A Fiscalía pide 19 anos de prisión por malos tratos, lesións, coaccións e abuso sexual a súa parella
Por Oskar Viéitez |
-
Arrepíntese e acepta unha condena de 10 anos de cárcere por abusar sexualmente da filla menor de idade da súa parella
Por Oskar Viéitez |
-
Detido un home de 68 anos por unha agresión sexual a unha menor en Vilagarcía
Por Natalia Puga |
-
Detido o condutor dun autobús escolar por tocamentos a varias menores da Illa
Por Natalia Puga & Alejandro Espiño | Creada e actualizada