Os 160 beneficiarios do Plan Supera20 recibirán unha axuda media de 3.000 euros
Por Alejandro Espiño
Case 482.000 euros recibirán os 160 beneficiarios do Plan Supera20, a liña de axudas aprobada polo Concello de Pontevedra para autónomos e microempresas. Así o sinalou a portavoz municipal, Anabel Gulías.
Todos eles terán a contía íntegra que solicitaron, ata un máximo de 5.000 euros. Isto supuxo, segundo Gulías, que a media das axudas situárase nuns 3.000 euros.
Este diñeiro servirá para financiar as actuacións realizadas nos negocios, no primeiro estado de alarma da pasada primavera, para adaptarse ás novas restricións e protocolos impostos pola pandemia da covid-19.
Das 222 solicitudes presentadas, dez foron descartadas ao chegar fóra de prazo. Todas as demais foron tramitadas pero 43 foron desestimadas finalmente por razóns administrativas. Outras nove non chegaron a bo porto por desistencia do interesado.
Unha de cada tres destas axudas é para establecementos de hostalería, que recibirán uns 180.000 euros. O comercio polo miúdo tamén rexistrou un gran número de solicitudes que, destacou a portavoz municipal, atenderon a un "amplo abano" de actividades.
Os preto de 800.000 euros que quedaron sen asignar nesta convocatoria, que tiña unha partida de 1,25 millóns de euros, serán destinados a unha nova liña de axudas aos sectores máis afectados pola pandemia da covid-19.
Anabel Gulías explicou que estas axudas manterán a "mesma filosofía" e serán fondos "finalistas" para subvencionar actuacións e proxectos concretos para que este diñeiro teña un "efecto multiplicador" na economía pontevedresa.
Iso si, a portavoz do goberno municipal avanzou que se modificarán as bases e non se descartan axudas "máis xeneralistas" que cheguen a máis tipos de sectores económicos.
O Concello asegura que "aceleraremos os prazos administrativos" para poder sacar estas axudas "canto antes".
Relacionadas:
-
Os solicitantes das axudas Supera20 cobrarán a partir da próxima semana
Por Alejandro Espiño |
-
Os hostaleiros non pagarán polos veladores durante o tempo que estivesen pechados
Por Redacción |
-
As axudas Supera21 suavizarán os seus requisitos e poderán optar empresas con máis traballadores
Por Alejandro Espiño |
-
Pontevedra financiará a compra de equipos informáticos para a educación a distancia
Por Alejandro Espiño |
-
Pontevedra activará unha nova línea de axudas para sectores afectados pola covid-19
Por Alejandro Espiño |
-
Máis de 200 autónomos e microempresas solicitaron as axudas municipais pola covid-19
Por Alejandro Espiño |
-
Máis de 50 particulares e micropemes xa solicitaron axudas Supera20 ao Concello de Pontevedra
Por Redacción |