A busca de Leonisa González, a anciá desaparecida na Lama, amplía o seu perímetro
![Natalia](/web/cache/scene/uploads/xornalistas/foto/9b5/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/577f8fbb69-hkm23_ri.jpg)
Por Natalia Puga
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/52270e3d78f60-leonisagonzalez.jpg)
© Miguel López / Facebook
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/52284db8d68cf-busquedalama.jpg)
© Cedida
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/52284eb0ad18d-busquedalama2.jpg)
© Cedida
Protección Civil, Garda Civil, familiares e veciños retomaron este xoves a busca de Leonisa González López polos montes da Lama. No terceiro día de busca, cuarto dende a súa desaparición o luns, amplíase o perímetro a rastrexar en varios quilómetros.
A muller, de 90 anos, desapareceu na tarde do luns e dende entón rastrexóuselle xa varias veces todos os terreos e montes que rodean o seu domicilio en Cambeses, na parroquia de Barcia. O mércores a busca estendeu os montes do Seixo e O Pelete. Este xoves expandirase, pero coa indicación de non buscar só nas zonas boscosas, senón tamén en terreos e zonas de matogueiras. Ademais, un veciño deu unha nova pista de que viu a Leonisa González o luns nunha zona do Pelete próxima a un río, de modo que se intensificou a busca nese punto co uso de cans.
O voceiro do PSOE na Lama, Enrique Vaqueiro, sinalou que a busca se suspendeu sobre as 22.00 horas do mércores con bastante desánimo por parte de veciños e familiares, pois "xa se deron 20.000 voltas, campo por campo, finca por finca e nada"
O mércores foi ata agora o día en que se despregou un dispositivo de busca máis numeroso, cuns 80 ou 90 familiares e veciños da zona e entre 70 e 80 efectivos de Protección Civil e a Garda Civil.
De la Guardia Civil participan axentes o Servizo de Protección da Natureza (Seprona) e os Grupos de Reserva e Seguridade (G.R.S), así como a unidade canina da Comandancia de Ourense e un helicóptero. Participan tamén o Grupo Canino de Rescate de Protección Civil da Estrada e veciños a cabalo.
Leonisa González López saíu da casa na que vive coa súa filla este luns 2 de setembro pola tarde, entre as 15.00 e as 16.00 horas. A súa ausencia non preocupou nun primeiro momento porque malia que ten 90 anos resulta habitual que de longos paseos polos montes que rodean a súa vivenda. Non obstante, a partir das 20.00 horas as súas fillas alarmáronse, deron a voz de alarma e dende entón búscana pola zona.
Familiares e persoas participantes no operativo de busca piden toda a colaboración posible para localizala, ante o temor de que sufrise algún problema de saúde. Como indicacións, sinálase que ten 90 anos, pero aparentemente está en bo estado físico e no momento de desaparecer vestía unha camisa aul con flores, unha faldra negra e unha chaqueta gris.
Relacionadas:
-
Atopan morta a anciá desaparecida na Lama a uns tres quilómetros da súa casa
Por Redacción |
-
Conclúe sen éxito a busca da anciá desaparecida dende o luns na Lama
Por Redacción |
-
Máis de 150 persoas retoman a busca de Leonisa González, desaparecida na Lama
Por Natalia Puga |
-
Buscan polos montes da Lama unha muller de 90 anos desaparecida dende o luns
Por Natalia Puga |