Buscan polos montes da Lama unha muller de 90 anos desaparecida dende o luns
![Natalia](/web/cache/scene/uploads/xornalistas/foto/9b5/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/577f8fbb69-hkm23_ri.jpg)
Por Natalia Puga
Leonisa González López saíu da súa casa da Lama este luns 2 de setembro pola tarde, entre as 15.00 e as 16.00 horas e non regresou. A súa ausencia non preocupou nun primeiro momento porque malia que ten 90 anos resulta habitual que de longos paseos polos montes que rodea a súa vivenda. Non obstante, a partir das 20.00 horas as súas fillas alarmáronse, deron a voz de alarma e dende entón búscana pola zona.
Ás 23.00 horas deste martes aínda non aparecera e pídese toda a colaboración posible para localizala, ante o temor de que sufrise algún problema de saúde. Como indicacións, sinálase que ten 90 anos, pero aparentemente está en bo estado físico e no momento de desaparecer vestía unha camisa aul con flores, unha saia negra e unha chaqueta gris.
A busca iniciárona nun primeiro momento os propios veciños do lugar de Cambeses, onde reside coa súa filla. O lugar pertence á parroquia de Barcia, na Lama, e élle moi coñecido para eles, pero resulta difícil de percorrer para os estraños, de modo que fosen eles os que primeiros se botasen ao monte.
Pouco despois, pediuse xa a colaboración oficial das Forzas de Seguridade e os labores de busca intensificáronse de noite e dende primeiras horas deste martes. Uníronse máis veciños, diversas agrupacións de Protección Civil da zona, efectivos da Garda Civil de Pontevedra e Ourense e a unidade canina de Protección Civil da Estrada.
Precisamente, os efectivos do Grupo de Rescate da Estrada activaron o dispositivo de búsqueda a primeira hora da tarde con dous guías e un voluntario con tres cans e informaron este martes pola noite que suspendían a busca, pero se continuará este mércores con dous guías e unha voluntaria máis.