Máis de 150 persoas retoman a busca de Leonisa González, desaparecida na Lama
![Natalia](/web/cache/scene/uploads/xornalistas/foto/9b5/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/577f8fbb69-hkm23_ri.jpg)
Por Natalia Puga
![](/web/cache/scene/uploads/fotos/foto/_S7QytKoutjK3UsovKMnMzytWsi62MrS0UipKLc6sStUxMjDQyU_/_lNK9EpyS9Qsq4FAA==_/52270e7311506-leonisagonzalezlama.jpg)
© Miguel López / Facebook
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5227187ae06ac-leonisalama.jpg)
© Miguel López / Facebook
Máis de 150 persoas, entre veciños, familiares, voluntarios e efectivos dos Servizos de Emerxencias retomaron este mércores a busca de Leonisa González López polos montes da Lama.
A muller, de 90 anos, desapareceu na tarde do luns e dende entón estáselle a buscar polas inmediacións do seu domicilio en Cambeses, na parroquia de Barcia. Este mércores a busca estendeuse aos montes do Pelete, despois de que alguén alertase de que foi a última zona na que se viu a Leonisa.
No operativo de busca participan diversas agrupacións de Protección Civil, entre elas, as de Soutomaior. Fontes deste corpo de voluntarios indicaron que este luns participan na busca uns 80 ou 90 veciños da zona e entre 70 e 80 efectivos de Protección Civil e a Garda Civil.
Dende a Comandancia da Garda Civil de Pontevedra indicaron que se despregou axentes do Servizo de Protección da Natureza (Seprona) e os Grupos de Reserva e Seguridade (G.R.S), así como a unidade canina da Comandancia de Ourense e un helicóptero do Corpo. Participan tamén dúas guías e un voluntario con tres cans do Grupo Canino de Rescate de Protección Civil da Estrada.
Leonisa González López saíu da casa na que vive coa súa filla este luns 2 de setembro pola tarde, entre as 15.00 e as 16.00 horas. A súa ausencia non preocupou nun primeiro momento porque malia que ten 90 anos resulta habitual que de longos paseos polos montes que rodean a súa vivenda. Non obstante, a partir das 20.00 horas as súas fillas alarmáronse, deron a voz de alarma e dende entón búscana pola zona.
Familiares e persoas participantes no operativo de busca piden toda a colaboración posible para localizala, ante o temor de que sufrise algún problema de saúde. Como indicacións, sinálase que ten 90 anos, pero aparentemente está en bo estado físico e no momento de desaparecer vestía unha camisa aul con flores, unha faldra negra e unha chaqueta gris.
Un dos seus netos, Miguel López, está utilizando as redes sociais para pedir colaboración. No seu perfil de Facebook difundiu varias fotos de súa avoa e a mensaxe: "Estimados amigos les quiero pedir un favor,si alguien ve esta señora mi abuela Leónisa González por favor no la dejen seguir y comuníquense con la guardia civil o algún vecino de cambeses.ella desapareció ayer por la tarde y no hay rostro de ella,tiene 90 años muchas gracias a todos que la están buscando,mañana estaré ahí".