As illas do chocolate renuncian ao fertilizante sintético e copian o sistema de compostaxe da Deputación
Por Oskar Viéitez & Mónica Patxot
Un grupo de técnicos enviados polo goberno autónomo da illa de Príncipe atópase en Pontevedra para adquirir todos os coñecementos necesarios para poder implantar con éxito o modelo de compostaxe do Plan Revitaliza da Deputación de Pontevedra.
Esta pequena illa, de apenas 8.000 habitantes e localizada no Golfo de Guinea, está declarada pola Unesco Reserva da Biosfera e forma parte do arquipélago de San Tomé e Príncipe.
Este martes a presidenta da Deputación de Pontevedra Carmela Silva, o vicepresidente César Mosquera, o deputado responsable do Revitaliza Uxío Benítez, así como o asesor técnico Carlos Pérez e a técnica María Martínez Abraldes, participaron na recepción institucional á delegación de Isla de Príncipe encabezada pola directora rexional de Medio Ambiente e Conservación da Natureza, María José Praceres.
Segundo explicou María José Praceres, o seu país fixouse no sistema pontevedrés para "xestionar o seu lixo orgánico e evitar que acabe no mar", tras analizar diversas prácticas aplicadas en distintas partes do mundo.
Ademais, a poboación de Isla Príncipe seleccionou o modelo pontevedrés a través dun órgano de consulta de apoio á Reserva da Biosfera que integra a líderes tradicionais, empresariado, autoridades e outras entidades.
A súa intención é poñer en marcha o Revitaliza no territorio de Príncipe, co obxectivo de que estea operativo antes de finais deste ano para o que contan coa axuda dun programa internacional do goberno francés, o Small Islands Organization (SMILO), enfocado ao desenvolvemento e a sustentabilidade de pequenas illas como esta.
César Mosquera indicou que a Deputación está "a achegar coñecemento técnico" coa gran vantaxe de que está baseado "nunha experiencia que funciona".
Isla Príncipe é o maior produtor de chocolate do mundo e, desde hai uns anos, o goberno rexional prohibiu a utilización de fertilizantes sintéticos, polo que María Martínez Abraldes explicou que o compost será unha alternativa ecolóxica para os produtores.
Deste xeito, o sistema axudará a crear emprego e a previr problemas relacionados coa xeración de residuos nunha illa que é "un paraíso" e na que o turismo de luxo crece cada vez máis.
Relacionadas:
-
VÍDEO.- A formación en compostaxe en Pontevedra chega con éxito á reserva da biosfera de Illa do Príncipe
Por Oskar Viéitez |
-
"Un proxecto revolucionario no mundo que vai cambiar as cousas"
Por Oskar Viéitez |
-
Clase práctica sobre compostaxe para dez alumnas na busca de emprego
Por Redacción |
-
A compostaxe revélase coma un importante nicho de emprego con moitas saídas
Por Redacción |
-
Illa de Príncipe dedicará dous meses a formarse en compostaxe vendo exemplos na provincia
Por Redacción |
-
A Unesco interésase por aplicar nas illas pequenas o Plan Revitaliza de compostaxe da Deputación
Por Oskar Viéitez & Cristina Saiz |
-
A delegación chinesa aplaude que o Plan Revitaliza veña da man dunha administración pública e persoal experto
Por Oskar Viéitez |