Poio inicia o procedemento para a contratación de oito brigadistas para a prevención de lumes forestais
Por Redacción
As bases para a contratación durante tres meses de persoal para traballar como brigadistas para a prevención, vixilancia e defensa contra lumes forestais foron publicadas este luns 1 de xuño no Boletín Oficial da Provincia de Pontevedra.
É un trámite que permitirá a contratación de oito operarios ao Concello de Poio, que incorporará un xefe de brigada, un peón-condutor, tres peóns e tres condutores de vehículos motobomba.
Os aspirantes a algún destes postos dispoñen de dez días naturais a partir da publicación das bases. Para facelo, desde o Concello recomendan empregar a vía telemática, aínda que tamén pode facerse a través do Rexistro Municipal.
Este procedemento é un dos beneficiados polo levantamento da suspensión para aqueles procesos dirixidos a garantir o funcionamento básico dos servizos municipais.
O mesmo ocorre coa contratación de socorristas, proceso para o que o Concello xa publicou as bases do proceso selectivo. O obxectivo do goberno local é contratar a partir do 1 de xullo socorristas para as praias de Cabeceira e Xiorto.
Relacionadas:
-
Os concellos reciben a subvención da Xunta para contratar persoal dedicado á prevención de incendios
Por Redacción |
-
Caldas volverá ter brigada contra lumes forestais este verán
Por Redacción |
-
Poio contratará seis socorristas para as praias de Cabeceira e Xiorto
Por Redacción |
-
Abren o prazo para presentar solicitudes a dúas prazas de Policía Local en Poio
Por Redacción |
-
Poio adiantará as habituais tarefas de mantemento e limpeza dos colexios
Por Redacción |
-
O Concello ampliará a superficie de estacionamento en Combarro e creará prazas para residentes
Por Redacción |