A recuperación de Salo, un Yorkshire abandonado en pésimas condicións que xa se pode adoptar
Por Redacción
Salo entrou o 18 de setembro no Centro de Acollida e Protección de Animais (CAAN) da Deputación de Pontevedra tras ser recollido nas Muras, en Pazos, por unha muller que o atopou na rúa e o levou para a súa casa e prestou unha primeira asistencia. Presentaba pésimas condicións de saúde, pero, tres meses despois, xa está moi recuperado e empeza a recuperar.
Trátase dun yorkshire e, á súa chegada, os veterinarios comprobaron que estaba moi afectado pola sarna e co pelo seco totalmente pegado pola falta de coidados, o que lle provocara unha pioderma (infección bacteriana), hiperpigmentación e hiperqueratose na pel. Afortunadamente, hoxe está recuperado da sarna.
Aínda lle queda sanear a falta de pigmentación no pelo na súa parte dorsal, pero xa está en condicións para ser adoptado.
O can ten un ano de idade e estaba correctamente identificado con microchip, polo que se procedeu a contactar co seu dono no Porriño. Ao non contestar, desde o centro remitíronlle a correspondente carta e publicouse no taboleiro de anuncios do seu concello de residencia e posteriormente no Boletín do Estado.
Transcorrido o prazo legal, e ante a falta de resposta, procedeuse a realizar a denuncia por abandono ante a Consellería de Medio Ambiente da Xunta de Galicia, unha infracción que se considera grave na Lei de Benestar Animal e que pode supoñer unha multa entre os 500 e os 5.000 euros.
Esta é unha das 27 denuncias presentadas ao longo deste ano por parte de CAAN por abandono e/ou maltrato, dun total de 232 expedientes de localización de propietarios. Ademais, na actualidade, 400 cans esperan no centro a ser adoptados.
Por outra banda, os catro cachorros que foron arroxados a un colector en Vilanova de Arousa con apenas horas de vida o pasado 30 de novembro seguen a evolucionar favorablemente no CAAN. Ares, Ceo, Terra e Sabela están respondendo aos coidados que o persoal do centro estalles a ofrecer día e noite.
Relacionadas:
-
Atopan un can pechado sen auga nen comida en Combarro
Por Redacción |
-
Aumentan as adopcións de cans do Centro de Acollida da Armenteira
Por Redacción |
-
Mosto e Sura, dous cans abandonados na provincia que atopan nova familia en Xixón e Madrid
Por Sara Iglesias |
-
O Concello de Marín esterilizou a 66 gatos de rúa
Por Oskar Viéitez |
-
"Apro" leva toda a súa vida vivindo na canceira
Por Redacción |
-
Bertín, o avó do CAAN, xa ten novo fogar en Cotobade
Por Redacción |
-
Arroxan catro cachorros a un contedor de lixo en Vilanova de Arousa
Por Redacción |
-
A Deputación lanza unha campaña para fomentar a tenza responsable dos animais
Por Oskar Viéitez |