Homenaxe a aquelas persoas que fixeron visible a Feira Franca
![](/web/cache/scene/uploads/fotos/foto/6a5/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d657bf63c-20190827-patxot-homenaje-feira-franca-0626.jpg)
© Mónica Patxot
![](/web/cache/scene/uploads/fotos/foto/d8b/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d657bf819-20190827-patxot-homenaje-feira-franca-0717.jpg)
© Mónica Patxot
![](/web/cache/scene/uploads/fotos/foto/5f0/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d657bfb01-20190827-patxot-homenaje-feira-franca-0807.jpg)
© Mónica Patxot
Durante este martes, e con motivo dos vinte anos que cumpre a Feira Franca, celebrouse en O Lampán dos xudeus, na praza de Santa María, un acto homenaxe aos impulsores desta festa. No acto estaban o alcalde de Pontevedra, Miguel Anxo Fernández Lores, e a concelleira de Festas, Carme da Silva.
Nun primeiro lugar, o alcalde, quixo destacar o papel de Juan Juega, asesor fundamental da Feira Franca "que soubo establecer unha base histórica e cimentada e difundila con rigor e respecto histórico", explicou. O historiador recibiu o recoñecemento a título póstumo e representouno a súa viúva, Pilar Rosales.
Tamén recalcou que esta homenaxe é un acto de agradecemento e de felicitación a toda a cidadanía pontevedresa, entre os que se atopan Natividad Barreiro e Antonio Alfonsín.
Defensores da Feira Franca a través da súa participación activa durante os 20 anos de celebración, foron recoñecidos por Lores: "representades o modelo que nos propuxemos acadar cando deseñamos unha celebración participativa e colectiva", engadiu.
Así mesmo, destacou o beneficio que ocasiona esta festa á hostalería, mercerías, casas de costura e tendas de tecidos, ademais do incremento no número de persoas que, ano tras ano, achéganse a Pontevedra ese primeiro sábado de setembro.
É por iso, que entre os homenaxeados tamén se atopaba a Asociación Recriativa de Xeve, encargada de realizar o tradicional desfile do transporte do viño desde a primeira edición da Feira Franca cando, segundo explicaba o alcalde, comezaron sendo ao redor dunha ducia de persoas na primeira edición e xa suman preto dun centenar nos últimos anos.
Por último, o alcalde concluíu con que "Pontevedra volve ser hoxe, no ano 2019, unha cidade referencia en varios aspectos, sendo un dos máis significativos o da recuperación dos espazos públicos" coa Feira Franca como unha das primeiras manifestacións para esta recuperación.
Acto de homenaxe ás persoas impulsoras da Feira Franca
Evento celebrado no Lampán dos xudeos, na praza de Santa María, durante o martes 27 de agosto de 2019 coa presenza do alcalde Miguel Anxo Fernández Lores
© Mónica Patxot
Relacionadas:
-
'As mozas son guerreiras' na XX edición da Feira Franca
Por Mónica Patxot & Almu Dapena |
-
O Lampán dos xudeos acolle este martes a homenaxe da Feira Franca aos seus creadores e impulsores
Por Redacción |
-
A inscripción para os obradoiros da Feira Franca abre o luns
Por Redacción |
-
Natividad Barreiro, Antonio Alfonsín, Juan Juega e a Asociación Recreativa de Xeve, homenaxeados pola Feira Franca
Por Redacción |
-
A Feira Franca toca teito con 400 solicitudes de mesas
Por Oskar Viéitez |