Os socialistas denuncian a presenza de malos olores, fochancas e maleza en Ponte Sampaio
Por Redacción
Tino Fernández, portavoz do grupo municipal socialista, presentou unha iniciativa reclamando ao goberno local de Fernández Lores que se solucionen problemas que se detectaron na parroquia de Ponte Sampaio.
Os socialistas indican que hai contedores de lixo en moi mal estado e que non se limpan de forma adecuada nin se repoñen cando sofren danos. Neste sentido, denuncian que os contedores situados xunto á ponte medieval emitiron durante días cheiros insoportables. Sinalan que a empresa concesionaria do servizo de lixo levou a cabo a limpeza despois das numerosas queixas veciñais. A ponte medieval é un dos lugares máis visitados, sobre todo polos peregrinos e, segundo o PSOE, a imaxe que ofrecen estes contedores deixa moi mala impresión.
Ademais, Tino Fernández incide no estado das cunetas cheas de maleza e con buracos no asfalto. Tamén alerta sobre o abandono dos lavadoiros públicos que forman parte da historia da parroquia.
Outro dos puntos nos que os socialistas piden unha solución atópase no perigo que presentan algúns tramos da estrada autonómica que atravesa a parroquia. O portavoz do PSOE sinala que o goberno local comprometeuse a tratar este tema coa Xunta para mellorar a seguridade e con todo, non ven avances.
Ante esta situación, o grupo municipal socialista pide maior atención do equipo de Fernández Lores ás parroquias e en concreto á de Ponte Sampaio, por atoparse máis afastada do centro urbano de Pontevedra.
Relacionadas:
-
Os socialistas esixen explicacións pola "mala recollida do lixo" durante os festivos
Por Redacción |
-
Os socialistas reclaman ao goberno local que pague a "débeda histórica co rural"
Por Oskar Viéitez |
-
Heroes de Ponte Sampaio pide que a parroquia deixe de estar catalogada como zona residencial
Por Redacción |
-
Comezan as obras para que o novo campo de fútbol de Ponte Sampaio estea listo en febreiro de 2019
Por Anxo Lourido |
-
Heroes de Pontesampaio denuncia o abandono da illa de Medal
Por Oskar Viéitez |
-
A Xunta destinará case 800.000 euros á mellora de tres estradas da comarca
Por Redacción |