Dous novos incendios solan Armenteira e Caldas
Por Oskar Viéitez
Creada e actualizada
Creada e actualizada
Os incendios que nas últimas horas están a arrasar Galicia, especialmente a zona sur da provincia de Pontevedra, comezaron a ter réplicas cara ao norte.
Pasadas as oito da tarde, a Policía Local de Caldas de Reis informou dun incendio forestal na parroquia de Saiar, nun lugar próximo ao campo de fútbol. Trátase dun lume que, segundo fontes oficiais, comezou en polo menos dous focos.
Unha hora máis tarde detectouse un segundo foco de lume preto nas proximidades dos aeroxeradores do monte Xiabre.
A falta de visibilidade e a intensidade coa que empeza a soprar o vento do sur están a complicar os labores de extinción.
O lume afastouse das áreas poboadas de Saiar pero as chamas, informan os efectivos de emerxencias, avanzan cara a zonas de Bemil e Carracedo.
No operativo, ademais dos brigadistas da Xunta, traballan efectivos de Protección Civil de Caldas, Vilagarcía, Portas, Cuntis e Valga, así como o servizo de emerxencias de Vilagarcía.
O incendio obrigou tamén a cortar o tráfico na estrada EP-8001, que une Caldas de Reis con Catoira, segundo informou Protección Civil de Caldas.
OUTRO INCENDIO EN ARMENTEIRA
Un segundo incendio, este no Concello de Meis, iniciouse tamén sobre as nove da noite na zona de monte de Armenteira. De novo con dous focos, entre os lugares de Fofán e Gondes. Foi necesario desaloxar varias vivendas e arderon galpóns sen que se produciran danos persoais.
Emerxencias Sanxenxo está a intervir neste incendio localizado entre Meis e Meaño e próximo a vivendas cun vehículo contraincendios e 5 oficiais do servizo.
Arredor da 01.30 horas, os equipos de emerxencia deron por controlado o lume nesta zona onde nos labores de extinción participaron dous camións de bombeiros e numerosos veciños.
Todas as casas foron desaloxadas, segundo fontes presenciais, e os habitantes da contorna mantivéronse agrupados na rotonda onde comeza o roteiro da Pedra. O lume chegou ata a porta das casas sen que chegase a causar graves danos nos inmobles malia que dous galpóns arderon afectados polas lapas.
Relacionadas:
-
Caldas de Reis quere crear un grupo de colaboradores de Protección Civil
Por Oskar Viéitez |
-
Meis perdeu 80 hectáreas de monte nos incendios do domingo
Por Redacción |
-
Tres días de loito oficial en Galicia: "No son 132 incendios, son 132 atentados"
Por Redacción | Creada e actualizada
-
Feijóo define como "crítica" a situación en Galicia polos incendios
Por Alejandro Espiño |
-
Tenorio, de novo vítima dos incendios
Por Redacción & Diego Torrado | Creada e actualizada
-
Ponte Caldelas, en "máxima alerta" tras declararse varios incendios
Por Oskar Viéitez | Creada e actualizada
-
Gabinete de crise na Deputación que mantén movilizados todos os seus departamentos e efectivos
Por Redacción |
-
Unha dotación dos Bombeiros de Pontevedra vai axudar ao combate contra a vaga de lumes
Por Oskar Viéitez |
-
O fume do incendio de Pazos de Borbén causa alarma en Pontevedra
Por Oskar Viéitez |