A Cidade Infantil Príncipe Felipe experimenta como facultade de compostaxe
Por Redacción
Os 20 alumnos seleccionados para formarse como mestres composteiros comezarán a partir do 1 de febreiro un curso de ao redor de sete semanas na Cidade Infantil Príncipe Felipe, un espazo no que se desenvolverá unha iniciativa de compostaxe cos residuos do comedor do centro escolar e da Escola de Hostalería Carlos Oroza.
Esta proposta desenvolverase á volta do nadal, segundo explicou o deputado César Mosquera, que comparecía para explicar este proxecto na mañá deste mércores 23 acompañado pola deputada responsable do Príncipe Felipe, Eva Vilaverde, o asesor provincial de residuos, Carlos Pérez e o director do Carlos Oroza, Manuel Hermo.
Os alumnos que aspiran ás dez bolsas de mestres composteros, que na súa maioría contan con doutoramentos, asistirán ás clases que se impartirán a través de 6 módulos, baseados nun importante soporte práctico. Desta forma, as instalacións situadas en Montecelo servirán como modelo piloto para posteriores experiencias que se queren desenvolver con relación á compostaxe.
Antes do 6 de xaneiro instalaranse os composteiros, os estáticos serán para o comedor do Príncipe Felipe mentres que un composteiro ergonómico cunha capacidade de 2,6 metros cúbicos situaranse baixo a actual cociña da escola de hostalería. Segundo os cálculos que realiza Carlos Pérez, xestionaranse 160 quilogramos ao día a través deste sistema e engadiu que cada persoa produce ao redor de 350 gramos diarios de residuos. A produción do compost será do 15% dos restos e empregaranse na horta que se atopa nas proximidades do Carlos Oroza.
Os composteiros estáticos supoñen un investimento de 6.000 euros e son similiares aos comunais que se aplicarán á poboación en núcleos entre 60 e 300 habitantes. O compostero dinámico pertence á Universidade da Coruña, que funcionará ata abril. Segundo como resulte o proxecto, estudarase a posibilidade de adquirir este composteiro por un prezo de 20.000 euros.
Estos modelos servirán para comprobar a aplicación deste sistema para outros puntos da provincia.
Relacionadas:
-
Os mestres composteiros anuncian: "é hora de traballar e remexer"
Por Redacción |
-
Os concellos terán ata finais de xaneiro para solicitar centros de compostaxe comunitarios
Por Redacción |
-
Bueu baralla instalar ata tres composteiros comunitarios no municipio
Por Redacción |
-
Máis de 460 persoas aspiran a ser mestre composteiro
Por Redacción |
-
173 solicitudes presentadas nun só día para unha das 20 prazas de mestre composteiro
Por Alejandro Espiño |