Máis de 460 persoas aspiran a ser mestre composteiro
Por Redacción
Aínda quedan por abrir as inscricións realizadas por correo certificado e as entregadas noutras administracións pero agárdase que máis de 460 persoas presentasen as súas solicitudes na Deputación para participar no proceso de selección das bolsas para mestres composteros dentro do Plan Compost.
O departamento de Recursos Humanos da Deputación, segundo o gabinete de comunicación, está xa revisando toda a documentación presentada polos aspirantes e, polo momento, a porcentaxe de rexeitados é moi baixo. Espérase que a lista de admitidos se publique, como moi tarde, o mércores 4 de novembro.
Desde a Deputación esperan que a proba eliminatoria, un exame tipo test de 100 preguntas, realícese a finais do mes de novembro nas instalacións da Cidade Infantil Príncipe Felipe.
O exame realizarase con identificación mediante código e corrixirase automaticamente. Despois desta proba vai levarse a cabo a entrevista persoal na que se poderán lograr ata 20 puntos.
Os 20 mellores aspirantes pasarán a unha segunda fase que consistirá nun curso de formación intensivo de oito semanas no que expertos do sector ofrecerán explicacións baixo a guía do novo asesor provincial de residuos, Carlos Pérez, e a técnica María Martínez Abraldes. Ademais ofreceranse clases maxistrais de profesores universitarios invitados.
Tras o curso, a comisión seleccionadora propoñerá a adxudicación das dez bolsas convocadas aos aspirantes, que obterán a titulación de mestre compostero, pendente de homologación polo Ministerio de Agricultura e Medio Ambiente. O resto de aspirantes pasarán a unha lista de reserva.
A remuneración dos bolseiros correrá a cargo da Deputación durante seis meses prorrogables a outros seis máis cunha contía de 1.400 euros ao mes, con gastos de desprazamento incluídos. Terán que controlar os centros de compostaxe comunitaria e o asesoramento e divulgación do sistema.
Por outra parte, o vicepresidente da Deputación César Mosquera reuniuse este luns 26 con dúas profesoras da área de Edafoloxía para iniciar un proxecto de investigación que estude a aplicación do compost na mellora dos solos da provincia.
Relacionadas:
-
A Cidade Infantil Príncipe Felipe experimenta como facultade de compostaxe
Por Redacción |
-
O exame para as bolsas de mestres composteiros reúne a 309 aspirantes
Por Redacción |
-
Sanxenxo habilita unha lista de reservas para adxudicar os composteiros da Deputación
Por Redacción |
-
A Deputación decidirá en xaneiro onde instalar os primeiros centros de compostaxe comunitarios
Por Redacción |
-
A Deputación de Pontevedra facilita a compostaxe na provincia a través do programa Revitaliza
Por Noticia patrocinada |
-
173 solicitudes presentadas nun só día para unha das 20 prazas de mestre composteiro
Por Alejandro Espiño |