O Porto Deportivo logra a total accesibilidade das súas instalacións ás persoas discapacitadas
Por Redacción
As instalacións do Porto Deportivo de Sanxenxo foron recoñecidas por distintos organismos tanto pola súa calidade como polo seu compromiso co medio ambiente e agora dan un paso máis acadando a súa total accesibilidade ás persoas con discapacidade Así o anunciou o vicepresidente de Nauta Sanxenxo, a empresa pública encargada da xestión deste equipamento.
Ao feito de que as instalacións estivesen adaptadas para facilitar os desprazamentos a aqueles usuarios con mobilidade reducida, se suman agora outros servizos grazas á construción de baños e duchas específicas, emprazados ao lado dos xa existentes no edificio de Capitanía.
Ademais, Nauta Sanxenxo incorporou unha grúa destinada a propiciar o ascenso e descenso dos navegantes con discapacidade dos seus barcos aos peiraos, así como dunha embarcación dedicada ao traslado destes usuarios.
"Si o Porto Deportivo foi elixido como sede do Centro Nacional de Vela Adaptada da Fundación Mapfre é precisamente porque reúne os requisitos necesarios para elo, e por iso quixemos avanzar de cara a lograr a total accesibilidade desta instalación", apuntou Durán.
O vicepresidente de Nauta explicou que este investimento foi realizado a través da Deputación de Pontevedra organismo provincial que referendou o proxecto presentado e encargouse da adquisición das novas infraestruturas e de levar a cabo as obras de habilitación dos baños adaptados.
"Dispor dun equipamento punteiro a nivel nacional e internacional en prestacións supón realizar continuos investimentos para incrementar día a día os servizos que ofrecemos", subliñou Salvador Durán, ao tempo que engadiu que "agora implantamos tamén esta medida que nos converte nun dous poucos portos de España accesible ao cento por cento".
Para o tenente de alcalde, isto supón tamén a apertura de novas vías de traballo en canto a promoción e celebración de eventos deportivos. "De feito, xa iniciamos contactos para albergar competicións de vela adaptada internacionais", adiantou Durán.
Relacionadas:
-
A ría de Pontevedra, un campo de regatas inclusivo
Por Redacción |
-
A Infanta Elena inaugura en Sanxenxo o curso do Centro Nacional de Vela Adaptada entre berros de "guapa! "
Por Diego Espiño |
-
Sanxenxo conxela as tarifas do parking do porto e baixa o prezo das prazas de amarre
Por Redacción |
-
O porto deportivo de Sanxenxo aspira a revalidar a bandeira azul
Por Redacción |
-
Sanxenxo acollerá en xuño o final da primeira etapa da prestixiosa regata La Solitaire du Figaro
Por Redacción |
-
Nauta Sanxenxo supera o desequilibrio económico de 2013 e pechará o ano con superávit
Por Redacción |
-
Tes máis de 55 anos e viaxas fóra da tempada estival? Sanxenxo busca xente coma ti
Por Redacción |