A situación económica dos pensionistas reduce a súa participación nas actividades de ocio e respiro familiar
Por Oskar Viéitez
A crise converteu os pensionistas no piar económico de moitas familias. Segundo os datos ofrecidos polo Observatorio da Vulnerabilidade da Cruz Vermella, un de cada tres maiores ten que axudar economicamente aos seus fillos e un de cada catro tenos que volver acoller na casa.
Esta situación ten o seu reflexo nos programas de respiro familiar destinados aos maiores que ofrece a Deputación de Pontevedra.
A deputada Marta Iglesias, responsable provincial da área de Benestar explicou, que no programa de Balnearios Diúrnos "Coidarte" durante o pasado ano asistiron 1.519 persoas, cando se ofreceran un total de 3.000 prazas destinadas a pensionistas.
"Ha habido un descenso", recoñece a deputada popular, "muchas de estas personas está ayudando económicamente a sus hijos y nietos".
Algo parecido sucede no programa Saúde e Benestar, dirixido a xubilados e que ofrece unha estanza de subvencionada de seis días nun hotel con spa. O pasado ano ofrecéronse 3.000 prazas e cubríronse 2.403.
Malia esta redución no número de participantes nestas iniciativas a Deputación insiste en promover unha nova convocatoria "porque sigue habiendo un número importante de personas que lo demandan".
Así a institución provincial acaba de presentar unha nova edición dos programas Coidarte, Saúde e Benestar, Pensa en ti, Ti tamén contas, Actívate e Coñece a túa provincia. A Deputación destina un millón de euros a estas actividades nas que o pasado ano participaron 35.270 persoas.
Relacionadas:
-
Convocan unha concentración para reclamar os dereitos dos pensionistas o Día das Persoas Maiores
Por Redacción |
-
Sete balnearios da provincia participan nunha nova edición do programa Coidarte
Por Redacción |
-
Louzán confirma que "hai espazo" para novas ofertas de turismo termal na provincia
Por Redacción |
-
Os pensionistas de CC.OO. volven saír á rúa para protestar contra os recortes
Por Redacción |