Alerta pola tramitación de novos proxectos de parques eólicos
Por Oskar Viéitez
O anuncio do Ministerio para la Transición Ecológica y el Reto Demográfico de novos proxectos de parques eólicos ven de facer saltar as alarmas entre a veciñanza dos concellos de Cerdedo-Cotobade, Campo Lameiro e A Estrada.
Concretamente son os proxectos eólicos Xubrintas (61,95 MW) e Alamoceiros (68,49 MW), os cales se compoñen por 15 e 18 aeroxeradores respectivamente, ademais de varias subestacións e quilómetros de viais así como liñas de alta tensión.
O parque eólico Xubrintas afecta especialmente ás parroquias de Sabucedo, Codeseda e Souto no concello da Estrada e á parroquia de Quireza en Cerdedo-Cotobade, mentres que Alamoceiros se estende pola meirande parte do concello de Campo Lameiro e por boa parte do concello de Cerdedo-Cotobade.
Nesta documentación tamén se fai referencia á próxima tramitación do parque eólico Chamarrapio, que se sitúa no mesmo contexto territorial. Este macrocomplexo eólico está promovido polo grupo empresarial Atitlán Helios a través das subempresas Dakotaraptor Invest, S.L., Fukuiraptor Invest, S.L. e Galveosauros Invest, S.L., e en colaboración con Driza-Incosa.
Tanto Xubrintas como Alamoceiros comezaron a fase de determinación de afección ambiental na cal se determinará se deben ou non deben someterse a evaluación ambiental.
Tras a análise da documentación exposta e a magnitude deste macrocomplexo eólico, do que aínda só se coñece unha parte, diversos colectivos destacan o "grande impacto sobre o medioambiente, o patrimonio cultural e sobre a saúde e calidade de vida da veciñanza dos concellos de Cerdedo-Cotobade, Campo Lameiro e A Estrada".
Á vista desta “preocupante situación”, a Asociación Veciñal Sociocultural Ambiental Alarma na Terra de Montes, a Asociación Rapa das Bestas de Sabucedo, a Asociación Eido do Cervo, a Asociación Cultural e Informativa da Biodiversidade das Aldeas A.C.I.B.A.L. e o Colectivo do Vento, solicitou unha reunión urxente cos alcaldes dos concellos de Cerdedo-Cotobade, Campo Lameiro e A Estrada.
MORRAZO
Tamén a Plataforma en Defensa dos Montes do Morrazo advertiu da tramitación previa dun novo proxecto de parque eólico dentro da península do Morrazo co nome de As de guía.
Este parque tería 15 aeroxeradores, dúas torres de medición e dúas subestacións eléctricas estaría integrado dentro da área de desenvolvemento eólica (ADE) do Morrazo e as súas localizacións corresponderianse con moitas das propostas do desestimado parque eólico de Pedras Negras, entre a Serra Basil, a Serra Domego e o Monte Formigoso, xunto con outras máis ao oeste cara ao Faro de Domaio e ao leste cara ao Coto Redondo e Outeiro dos Asubións, en territorio pertencente aos concellos de Moaña, Marín e Vilaboa.
A Plataforma en Defensa dos Montes do Morrazo rexeita este novo proxecto de parque eólico e chama á mobilización da cidadanía para paralizalo.
Relacionadas:
-
O pleno de Marín rexeita a moción contra o novo proxecto eólico no Morrazo ao impoñer o PP a súa maioría
Por Oskar Viéitez |
-
Fronte común entre concellos e asociacións contra a creación de dous novos parques eólicos
Por Redacción |
-
O goberno local de Vilaboa promoverá accións legais e xudiciais contra o eólico de Arena Power
Por Redacción |
-
A Plataforma "Eólicos no Morrazo Non" informa á veciñanza dun proxecto de "macroparque" eólico
Por Oskar Viéitez |
-
Organizan roteiros polas parroquias de Pontevedra para conectar coa natureza a través do ioga
Por Redacción |
-
Unha primavera chea de actividades para coñecer e gozar do Pontillón do Castro, A Fracha e A Tomba
Por Oskar Viéitez |
-
O TSXG decreta a suspensión cautelar do parque eólico Dos Cotos
Por Oskar Viéitez |
-
VÍDEO.- Esixen vixilancia no monte Acibal para evitar que continúen as obras do parque eólico
Por Anxo Lourido |
-
O TSXG acorda paralizar as obras de construción do parque eólico Acibal polo descubrimento de restos arqueolóxicos
Por Oskar Viéitez |
-
Pontevedra maniféstase "contra a depredación enerxética"
Por Diego Espiño & Cristina Saiz |