Organizan roteiros polas parroquias de Pontevedra para conectar coa natureza a través do ioga
Por Redacción
Coñecer e gozar da nosa contorna natural e fomentar a actividade física e a vida saudable é o dobre obxectivo que guía a Re-conectando Pontevedra, un programa de ioga e natureza que impulsa a Concellería de Benestar Social, que xestiona Anabel Gulías, da man de Myriam Viéitez Yoya e Meditación e de Érika Taracido, terapeuta transpersonal.
Son cinco roteiros por outras tantas parroquias de Pontevedra nos que "se traballará na conexión coa natureza, co grupo e cun mesmo e, ademais, realizarase unha práctica de ioga".
Desenvolveranse en cinco fins de semana consecutivas a partir do vindeiro sábado 25 de maio.
- 25 de maio (sábado)- Parroquia de Cerponzóns.
- 2 de xuño (domingo) - Marismas da Xunqueira de Alba.
- 8 de xuño (sábado)- Pontillón do Castro, Verducido.
- 16 de xuño (domingo) - Parque forestal da Tomba, Campañó.
- 23 de xuño (domingo)- Senda do río Almofrei, Bora.
Os roteiros terán unha duración aproximada de 4 horas - de 10.00 a 14.00 horas- e todos eles son de dificultade baixa e moderada.
É unha actividade de balde, con prazas limitadas polo que é preciso inscribirse. A idade mínima para participar é de 16 anos.
As inscricións pódense realizar a través os correos: erikataracido@hotmail.com ou myriamvp_88@hotmail.com
Relacionadas:
-
Xornada de ioga ao aire libre na Alameda e a Illa das Esculturas
Por Redacción & Cristina Saiz |
-
O impacto do cambio climático na saúde mental, a ecoansiedade
Por Redacción |
-
Unha primavera chea de actividades para coñecer e gozar do Pontillón do Castro, A Fracha e A Tomba
Por Oskar Viéitez |
-
Alerta pola tramitación de novos proxectos de parques eólicos
Por Oskar Viéitez |