Benvida ás novas pediatras para Atención Primaria e o Hospital do Salnés que acadaron praza fixa por concurso
Por Oskar Viéitez
O Hospital Provincial de Pontevedra acolleu este martes o acto de benvida das novas pediatras que tomaron posesión das súas prazas con destino en centros de Atención Primaria e o Hospital do Salnés.
Este acto chega un día despois de que fora publicada no Diario Oficial de Galicia a resolución co nomeamento como persoal estatutario fixo do Sergas e a adxudicación de destino definitivo, no proceso selectivo convocado por sistema de concurso de méritos.
En concreto, os novos profesionais cubrirán sete prazas da categoría de pediatra de Atención Primaria ofertadas nos seguintes centros de saúde da área de saúde pontevedresa: dúas prazas no concello de Sanxenxo; unha praza para os centros de A Lama, Cerdedo-Cotobade e Ponte Caldelas; outra para os municipios de Moraña e Cuntis; unha no centro de saúde de San Roque, en Vilagarcía de Arousa; unha para os concellos de A Illa e Ribadumia; e, finalmente, outra praza no de O Grove.
No que se refire á atención pediátrica no eido hospitalario, a área sanitaria adxudicou catro prazas da categoría de facultativo especialista de Área de Pediatría e as súas áreas específicas, efectivos médicos que prestarán asistencia á poboación infantil desde o Hospital do Salnés en Vilagarcía de Arousa.
Relacionadas:
-
A "precaria" situación da Pediatría protagoniza 160 reclamacións en Cerdedo e Forcarei
Por Redacción |
-
Fronte común en Monte Porreiro para defender a asistencia sanitaria infantil en Pontevedra
Por Anxo Lourido |
-
O alcalde de Cuntis pide á Xunta reformas no Colexio Don Aurelio
Por Oskar Viéitez |
-
Contacontos no Hospital Provincial para conmemorar o Día da Narración Oral
Por Oskar Viéitez |
-
José Flores responde as críticas pola cobertura médica no centro de saúde de Cuntis
Por Oskar Viéitez |
-
Persoal de cociña do Hospital do Salnés continúa á espera de cobrar tres meses de salario
Por Redacción |
-
O BNG de Cuntis culpa á "incompetencia e desleixo da Xunta" da "situación límite" no centro de saúde
Por Redacción |
-
Prevén que o novo centro de saúde de Vilagarcía estea operativo en 2026
Por Redacción |
-
Multitudinaria manifestación en defensa da sanidade pública
Por Oskar Viéitez |