Critican que os policías nacionais de Pontevedra teñan que aprender con vídeos a facer un RCP ou usar un desfibrilador
Por Oskar Viéitez
"Estupor e decepción" son as palabras escollidas pola Confederación Española de Policía (CEP), ante a nova "teleformación" que reciben os policías nacionais en Pontevedra.
Segundo explicaron, os axentes teñen uns vídeos nos computadores para visionar e aprender a facer unha reanimación cardiopulmonar (RCP) ou usar un desfibrilador externo automático máis coñecidos como DEA.
Este sindicato policial denuncia que "esta é unha maneira moi pobre e triste de lavarse as mans por se pasa algo", e pregúntanse "desde cando se dá formación sanitaria por televisión a un policía sen persoal profesional e prácticas físicas".
En cambio sinalan que "se hai recursos para facer formación de Ioga na Policía Nacional presencial e de xestión emocional, é a triste realidade que nos tocou vivir nesta Policía Nacional do século XXI", apuntan.
Desde o CEP remarcan que ningún xefe policial lles informou do que implican estes cursos de teleformación, das consecuencias legais dunha mala praxe nunha intervención ou de que pasa se non interveñen por crer que non teñen os coñecementos necesarios ante a formación recibida, e se hai algún seguro de responsabilidade civil que os apoie nas actuacións onde practiquen un RCP ou fagan uso dun DEA.
Relacionadas:
-
Abel Losada toma nota das demandas do corpo de Policía na provincia
Por Redacción |
-
Oito anos de éxito dos obradoiros de maquillaxe para pacientes oncolóxicas no Provincial
Por Oskar Viéitez |
-
A Policía Nacional intensifica a vixilancia na contorna dos centros educativos
Por Redacción |
-
Recoñecen co carné de ciberexpertos ao alumnado de 6º de primaria do colexio marinense San Narciso
Por Redacción |
-
Unha dependenta presencia un furto de queixo e salmón e segue ao ladrón ata outro 'super' mentres chama á Policía
Por Natalia Puga |
-
Identifican unha moza por unha pelexa a dentadas na que varias menores resultaron feridas
Por Natalia Puga |
-
Policías nacionais e gardas civís piden a dimisión de Marlaska polo agravio salarial e de pensións en que continúan
Por Redacción & Mónica Patxot |
-
A Policía descarta unha sabotaxe e atribúe a un cúmulo de erros a avaría do TAC de Montecelo
Por Oskar Viéitez |