A Policía descarta unha sabotaxe e atribúe a un cúmulo de erros a avaría do TAC de Montecelo
Por Oskar Viéitez
A Policía Nacional descartou que a avaría do novo equipamento de resonancia magnética do Hospital Montecelo sexa o resultado dunha sabotaxe.
Segundo informaron fontes oficiais da Comisaría Provincial de Pontevedra, tras recibir unha denuncia por parte da Área Sanitaria os axentes iniciaron unha investigación para esclarecer a causa dos danos sufridos polo novo equipo de tomografía axial computerizada (TAC).
A súa conclusión descarta que a máquina fose saboteada e atribúe a avaría a un cúmulo de erros por mala manipulación, tal e como sostiña a empresa que forneceu o TAC.
Segundo explicaron fontes sanitarias, estes equipos de resonancia magnética requiren duns 1.500 litros de helio para refrixerar os imáns superconductores durante a proba diagnóstica. O caso é que alguén deixou sen helio á máquina accionando uns dispositivos de seguridade e estragando todo o equipo.
A Xunta destinara un investimento de 2,2 millóns de euros, financiada con fondos Next Generation da Unión Europea, para poder adquirir tres novos TAC de gamas superiores para o Complexo Hospitalario Universitario de Pontevedra. Este novo aparello tiña que comezar a funcionar a mediados de xaneiro.
Desde a Xerencia da área Sanitaria confirmaron que unha vez que tiveron coñecemento dos feitos cursouse a pertinente denuncia na Policía Nacional "e nestes momentos estase á espera da resolución do xuíz, unha vez finalizadas as investigacións policiais sobre este caso".
Tamén informa a Xerencia que a resonancia magnética de Montecelo xa está reparada.
Relacionadas:
-
Critican que os policías nacionais de Pontevedra teñan que aprender con vídeos a facer un RCP ou usar un desfibrilador
Por Oskar Viéitez |
-
Detido nun control policial un veciño de Poio buscado por roubo
Por Oskar Viéitez |
-
Un problema de subministracións provoca a cancelación de citas a pacientes oncolóxicos
Por Oskar Viéitez |
-
O centro de saúde de Marín sumou un psicólogo clínico ao seu persoal no mes de xaneiro
Por Redacción |
-
Suspendido o concurso de contratación do servizo de limpeza dos hospitais de Pontevedra
Por Oskar Viéitez |
-
A unidade de Hospitalización a Domicilio do Salnés se trasladará a antiga área de Esterilización
Por Redacción |
-
O 90% dos doantes de órganos da área sanitaria de Pontevedra son maiores de 75 anos
Por Oskar Viéitez |