Preocupación no Pontevedra pola lesión de Ángel Bastos no primeiro adestramento da semana
Por Diego Espiño
Prometíallas felices o Pontevedra Club de Fútbol este mércores no regreso ao traballo tras a vitoria balsámaica lograda o pasado domingo en Ceuta. Por primeira vez en toda a tempada todos os futbolistas aparecían como dispoñibles para o técnico, Antonio Fernández, ao reintegrarse ao grupo Oier Calvillo tras un par de semanas fóra de combate e non contar con sancionados.
As risas e o bo ambiente dominaban a sesión, na que se empezaba a preparar a visita do próximo domingo 4 de dicembre (17.00 horas) do Racing de Ferrol ao Estadio Municipal de Pasarón, ata que un nuboeiro sobrevoou o segundo campo do complexo deportivo Manolo Barreiro da Xunqueira.
A falta de media hora para finalizar o adestramento, nunha acción fortuíta, Ángel Bastos caeu ao céspede tras danarse no seu nocello dereito, nunha escena acompañada de berros de dor e rabia.
O lateral, un dos tres únicos xogadores do plantel que foi titular en todas e cada unha das 13 xornadas de liga ata a data, tiña que retirarse da sesión visiblemente afectado e con problemas para apoiar o pé.
Tras unha primeira valoración no propio campo a lesión esperta preocupación no seo do club, e é que a falta de profundar na exploración para determinar o alcance exacto da doenza, a súa presenza esta semana contra o Ferrol parece imposible, teméndose mesmo que a súa baixa se prolongue durante varias semanas facendo complicado que volva competir no que queda de ano.
Relacionadas:
-
A presenza de Álex González, principal dúbida do Pontevedra ante a viaxe a Córdoba
Por Diego Espiño |
-
O Racing de Ferrol rompe a imbatibilidade do Pontevedra en Pasarón (0-2)
Por Almu Dapena & Cristina Saiz |
-
Cristóbal Parralo, sobre a imbatibilidade do Pontevedra en Pasarón: "As estatísticas están para rompelas"
Por Almu Dapena |
-
Antonio pide un un esforzo á afección do Pontevedra: "Non hai escusa para non achegarse a Pasarón"
Por Diego Espiño |
-
A afección do Racing de Ferrol prepara o seu desembarco en Pontevedra
Por Redacción |
-
Charles, tras o seu record goleador co Pontevedra: "Oxalá teñamos un mozo da canteira batendo esa cifra"
Por Diego Espiño |
-
Charles e un gol que pasa directo á historia do Pontevedra Club de Fútbol
Por Diego Espiño |
-
Antonio Fernández: "Hoxe estivemos ben, levamos o balón por fóra e os balóns que metemos foron correctos"
Por Redacción |
-
O Pontevedra vence e convence en Ceuta para facerse coa súa primeira vitoria a domicilio en liga (1-2)
Por Almu Dapena |