Rías do Sur volve pechar ao non poder facerse cargo a Fundación "do groso dos gastos que conleva"
Por Diego Espiño
Inesperado paso atrás no futuro do Complexo Deportivo Rías do Sur e a súa posta ao dispor dos clubs e deportistas federados da cidade.
A Fundación Rías do Sur comunicou aos clubs que alí adestran actualmente que pechará as instalacións o 30 de novembro "por non poder facerse cargo do groso dos gastos que conleva o mínimo funcionamento", explican nun comunicado dous das entidades afectadas, o Club Natación Galaico e o Galaico Sincro.
"Pedíusenos que afrontemos unha parte dos gastos para que as instalacións puidesen seguir funcionando e así realizar os entrenos, pero estes gastos son inasumibles por parte de clubs deportivos que se basean economicamente en subvencións de institucións e no esforzo dos socios", aseguran.
Cabe destacar que tras o peche decretado en abril pola empresa Supera, o complexo deportivo de Ponte Muíños volveu abrir tras orde xudicial a principio do curso deportivo antes mesmo da que concesionaria chegase a un acordo para renunciar aos anos que lle restaban de explotación. Nese momento a Fundación asumiu o mantemento do centro poñendo en marcha a piscina pequena de 25 metros e á espera de que a seca permitise encher e quentar, con enerxía de Ence, o vaso da piscina olímpica.
Agora, cando todo ese asunto parecía solucionado, vólvese dar un paso atrás á espera de determinar cal pode ser o camiño nos próximos meses, tendo en conta que a intención de Rías do Sur era buscar de novo unha empresa a medio prazo que asumise a xestión completa do centro.
En canto ao comunicado do Natación Galaico e o Galaico Sincro, ambos os dous aseguran que esta situación "conlevará practicamente á desaparición de dous importantes clubs da natación galega, en cada unha das nosas disciplinas, tal e como os coñecemos hoxe en día" xa que "nos estamos vendo obrigados a realizar os adestramentos de campionatos tanto a nivel nacional como rexional nunhas condicións que non nos permiten competir en igualdade de condicións cos demais clubs participantes".
Por todo iso piden a implicación do Concello de Pontevedra "para que non deixen morrer o deporte de auga da cidade en xeral e aos nosos clubs en particular, a propósito da existencia dunhas instalacións idóneas das cales nos poderiamos beneficiar todos os clubs de Pontevedra".
Relacionadas:
-
Os clubs xa gozan da piscina olímpica, que será accesible para toda a cidadanía "en setembro ou outubro"
Por Diego Espiño |
-
A piscina de 25 metros de Rías do Sur seguirá aberta á espera dunha solución que permita reabrir a olímpica
Por Manu Otero |
-
O luns 12, data clave para o futuro de Rías do Sur cunha reunión a tres bandas entre Concello, Fundación e clubs
Por Diego Espiño |
-
Reunión entre o PP e os clubs afectados polo peche de Rías do Sur para "buscar solucións conxuntas"
Por Redacción |
-
Vida extra ata final de ano para evitar o peche de Rías do Sur
Por Diego Espiño |
-
O Concello tende a man a un acordo para manter aberto Rías do Sur: "Pola nosa parte non vai quedar"
Por Diego Espiño |
-
O enchido da piscina olímpica, á espera de que "ENCE nos diga cando nos pode dar enerxía calorífica"
Por Diego Espiño |
-
Rías do Sur, en xaque pola seca... e pola situación de ENCE
Por Diego Espiño |
-
Tensa espera para os traballadores de Rías do Sur tras o acordo para poñer fin á concesión de Supera
Por Diego Espiño |
-
Supera renuncia á concesión de Rías do Sur tras asinar un acordo extraxudicial coa Fundación
Por Diego Espiño |
-
Ao choio para poñer a punto a piscina olímpica de Ponte Muíños
Por Redacción |
-
A seca frea a reapertura de Rías do Sur: "Non encheremos a piscina ata que a situación cambie"
Por Diego Espiño |
-
Un novo auto xudicial abre a vía á apertura de Rías do Sur
Por Diego Espiño |