Rías do Sur, en xaque pola seca... e pola situación de ENCE
Por Diego Espiño
O Complexo Deportivo Rías do Sur segue á espera de poder acometer o enchido da súa piscina olímpica de 50 metros como paso previo á súa posta ao dispor dos clubs deportivos que alí centran a súa actividade.
O acordo alcanzado coa Fundación Rías do Sur coa empresa Supera (Sidecu), polo que a concesionaria renunciou aos anos de explotación que lle restaban por contrato, despexou o panorama pero non o aclarou por completo.
Aproveitando que foi necesario baleirar o vaso da piscina para acometer unha serie de tarefas de mantemento, a Fundación contratou obras "como a substitución de todo o sistema hidráulico do vaso de 50, reparar a climatización, temas de recollida de augas e certas cousas que había que facer aproveitando que continúa o estado de prealerta por seca e que ENCE está polo momento parada", explicou tras o acordo o presidente de Rías do Sur, Héctor Vilariño.
Eses son agora os dous aspectos clave para que o Complexo Deportivo de Ponte Muíños recupere a plena actividade, e é que ata que non se poña fin á prealerta por seca non se poderá acometer o enchido da piscina olímpica. Doutra banda, con ENCE sen actividade polo mesmo motivo, tampouco se podería quentar a auga ao ser a empresa a que achega a enerxía calorífica necesaria.
"O primeiro día que se levante a prealerta abrimos a chave para encher, a condición de que ENCE díganos que está en disposición de dar calor, porque a instalación non dispón de caldeira suficiente para quentar a auga, aínda que quixésemos non poderiamos", asegura Vilariño.
Por ese motivo o futuro da pasteira está, a día de hoxe, ligado tamén ao de Rías do Sur.
Relacionadas:
-
O Concello investirá 200.000 euros para que os clubs poidan adestrar e competir nas piscinas de Rías do Sur
Por Almu Dapena |
-
O Concello tende a man a un acordo para manter aberto Rías do Sur: "Pola nosa parte non vai quedar"
Por Diego Espiño |
-
Rías do Sur volve pechar ao non poder facerse cargo a Fundación "do groso dos gastos que conleva"
Por Diego Espiño |
-
O enchido da piscina olímpica, á espera de que "ENCE nos diga cando nos pode dar enerxía calorífica"
Por Diego Espiño |
-
ENCE permanece sen actividade industrial pola rotura da tubaxe de abastecemento de auga
Por Anxo Lourido | Creada e actualizada
-
Tensa espera para os traballadores de Rías do Sur tras o acordo para poñer fin á concesión de Supera
Por Diego Espiño |
-
Supera renuncia á concesión de Rías do Sur tras asinar un acordo extraxudicial coa Fundación
Por Diego Espiño |
-
Ao choio para poñer a punto a piscina olímpica de Ponte Muíños
Por Redacción |
-
A seca frea a reapertura de Rías do Sur: "Non encheremos a piscina ata que a situación cambie"
Por Diego Espiño |
-
Un novo auto xudicial abre a vía á apertura de Rías do Sur
Por Diego Espiño |