Vida extra ata final de ano para evitar o peche de Rías do Sur
Por Diego Espiño
Balón de osíxeno para os clubs deportivos da cidade que adestran no complexo deportivo de Ponte Muíños. A Fundación Rías do Sur decidiu pospoñer un mes a data establecida para pechar as instalacións por non poder asumir os custos derivados do seu mantemento, unha data que fora fixada inicialmente para este mércores 30 de novembro.
"Comunicámoslle aos clubs que a Fundación vai facer un esforzo dando unha prórroga do mes de decembro. Imos facernos cargo dos custos ata final de ano a ver se mentres atopan unha solución", explica a PontevedraViva o presidente de Rías do Sur, Héctor Vilariño.
"Levamos desde o 8 de setembro quentando a auga e correndo con absolutamente todos os gastos de mantemento da piscina de 25 metros", defende Vilariño sinalando que aínda que o vaso da piscina olímpica de 50 metros está xa en perfectas condicións "non se encherá de momento" ante a incerteza actual.
Vilariño cifra o custo mensual para manter a piscina pequena do complexo "entre os 10.000 e os 12.000 euros".
É a cantidade que se lle pide aos clubs que como o Natación Galaico e o Galaico Sincro están actualmente adestrando en Rías do Sur desde o inicio do curso, unhas entidades deportivas que viven no arame e que levan días elevando a voz de alarma ao entender que se quedan sen espazo en Rías do Sur volverán os "adestramentos precarios, masificación de láminas de auga e baixas masivas", situación que pode comprometer seriamente o seu futuro.
Relacionadas:
-
O PP reclama que se poña en marcha o "convenio incumprido" para reactivar o Complexo Deportivo Rías do Sur
Por Redacción |
-
Os clubs xa gozan da piscina olímpica, que será accesible para toda a cidadanía "en setembro ou outubro"
Por Diego Espiño |
-
A piscina de 25 metros de Rías do Sur seguirá aberta á espera dunha solución que permita reabrir a olímpica
Por Manu Otero |
-
O luns 12, data clave para o futuro de Rías do Sur cunha reunión a tres bandas entre Concello, Fundación e clubs
Por Diego Espiño |
-
Reunión entre o PP e os clubs afectados polo peche de Rías do Sur para "buscar solucións conxuntas"
Por Redacción |
-
O Concello tende a man a un acordo para manter aberto Rías do Sur: "Pola nosa parte non vai quedar"
Por Diego Espiño |
-
Rías do Sur volve pechar ao non poder facerse cargo a Fundación "do groso dos gastos que conleva"
Por Diego Espiño |
-
O enchido da piscina olímpica, á espera de que "ENCE nos diga cando nos pode dar enerxía calorífica"
Por Diego Espiño |