Nerea Liste comanda co MVP da xornada a un Arxil que empeza a carburar na Liga Feminina 2
Por Redacción
O Club Baloncesto Arxil empeza a coller o ritmo da Liga Feminina 2, despois dun irregular inicio de tempada.
O conxunto pontevedrés encadea tres vitorias consecutivas que lle achegaron á zona nobre da táboa clasificatoria, estando na quinta posición cun balance de 4-4.
Como reflexo desa melloría unha xogadora arxilista fíxose co MVP da xornada 8 de liga no Grupo A, na cómoda vitoria do seu equipo contra o Aridane (75-43). Trátase de Nerea Liste.
A representante do Arxil conseguiu 31 puntos de valoración nos seus 33 minutos en cancha grazas a 19 puntos, 9 rebotes e 4 roubos, con ata 9 faltas recibidas, sendo a máxima anotadora do seu equipo.
Na súa terceira tempada no equipo, Liste é unha peza clave no esquema de xogo de Mayte Méndez, promediando esta campaña ata a data 12,9 puntos e 6,3 rebotes por encontro.
Este recoñecemento premia unha melloría do Arxil que deberá seguir confirmando en próximas xornadas e tras unha semana de descanso, xa que non volverán xogar ata o día 3 de decembro, cando está prevista a visita a Pontevedra do Unicaja.
Relacionadas:
-
O Arxil sentencia o Maristas Coruña no terceiro cuarto (88-57)
Por Redacción & Cristina Saiz |
-
Un desafortunado último cuarto leva o Arxil á derrota en Santander (57-49)
Por Redacción |
-
O Arxil pon a proba o seu bo momento de forma visitando un líder en horas baixas
Por Redacción |
-
O Arxil segue crecendo con triunfo ante Unicaja (75-51)
Por Cristina Saiz & Redacción |
-
Cómoda vitoria do Arxil contra o Aridane na Raña (75-43)
Por Redacción |
-
Vitoria do Arxil sobre o Sevilla para seguir crecendo (58-78)
Por Redacción |
-
O Arxil brilla no segundo cuarto e supera o Barakaldo (77-54)
Por Redacción & Cristina Saiz |