A Liga Asobal volve, por fin, ao Pavillón Municipal
Por Diego Espiño
Un ano e medio despois, a Liga Asobal regresa ao fin ao Pavillón Municipal dos Deportes de Pontevedra.
Desde o 29 de maio de 2021 o pavillón pontevedrés non acollía un encontro da máxima categoría do balonmán nacional, primeiro polo descenso do Cisne e tras recuperar un posto na elite debido principalmente ás obras de remodelación ás que foi sometida a instalación.
Por este motivo, unido aos eventos extraordinarios como os Campionatos do Mundo de Loitas Olímpicas, o Municipal non estivo ata a data ao dispor do cadro cisneísta, que tivo que mudarse mentres tanto a Príncipe Felipe.
Ese exilio acaba esta semana, co encontro que lle medirá ao Bidasoa o vindeiro venres 4 de novembro (21.30 horas) correspondente á novena xornada do campionato, aínda que os pupilos de Javier Márquez apenas poderán exercitarse previamente na instalación. Co Campionato Cidade de Pontevedra de Taekwondo ocupando a pista ata este martes, o mércores está previsto desmontar a pista azul en Príncipe Felipe para colocala no Municipal, polo que antes do xoves en ningún caso poderán adestrar alí.
O CISNE BARCELONA, O DOMINGO 27 DE NOVEMBRO
O Cisne volverá ademais ao Pavillón Municipal para non volver saír del, nin sequera no encontro que estaba en dúbida coa visita do poderoso Fútbol Club Barcelona a Pontevedra, e que coincidía cunha competición de karate programada no pavillón.
Finalmente tras o acordo entre clubs para atrasar o choque ao domingo 27 en lugar do sábado, a petición oficial cursada pola Televisión de Galicia para ofrecer o choque o citado día 27 ás 19.00 horas fai que se de xa por feito que así será, a falta só da confirmación oficial por parte de Asobal.
Con este novo horario haberá tempo suficiente para desinstalar o operativo do karate e que o pavillón este listo para o partido de balonmán. Unha boa noticia tras varias semanas de incerteza respecto diso.
Relacionadas:
-
O gafe do Cisne non ten fin: Iván Calvo deberá pasar polo quirófano
Por Diego Espiño |
-
O Cisne di adeus á Copa do Rei superado polo Ángel Ximénez (24-32)
Por Diego Espiño & Mónica Patxot |
-
A Copa do Rei, unha oportunidade para o Cisne de recuperar sensacións
Por Redacción |
-
Noite aciaga do Cisne ante o Bidasoa no seu regreso ao Municipal (19-28)
Por Diego Espiño & Mónica Patxot |
-
O Cisne espera que o Bidasoa "pague a competición europea entre semana"
Por Diego Espiño |
-
Un mes de novembro sen descanso para o Cisne
Por Diego Espiño |
-
A coraxe non lle chega ao Cisne para sumar en Puente Genil (34-32)
Por Diego Espiño |
-
As lesións non dan tregua ao Cisne, que volve perder a Cavalcanti
Por Diego Espiño |
-
O Cisne leva o rosa da Asociación Española Contra o Cancro á Liga Asobal
Por Redacción |
-
David Chapela regresa a un Cisne arrasado polas lesións
Por Manu Otero |