Antonio vaticina unha saída difícil ante un Mérida que "ten argumentos suficientes para gañar a calquera"
Por Diego Espiño
O Pontevedra Club de Fútbol prepárase para afrontar dous encontros a domicilio de maneira consecutiva, coa visita primeiro ao Mérida (sábado 1 de outubro, 17.00 horas) e ao Linares despois, coa intención de conseguir o seu primeiro triunfi lonxe de Pasarón.
"O equipo quere gañar, de sumar de tres, pero o rival xoga", defendeu este xoves en rolda de prensa Antonio Fernández.
O técnico analizou o duelo que lles espera aos granates no Estadio Romano 'José Fouto', praza que non pisaron nunca en toda a súa historia, fronte a un Mérida que acumula só dous puntos (empates ante Linense e Unionistas) aínda que cun partido menos.
"Temos que saber a que campo imos, a que equipo imos enfrontar e que necesitamos para gañar. Imos atopar a un equipo que é moi solidario no esforzo, que despois ten moita velocidade, ten xogadores por fóra e na parte de arriba que son diferenciais", analiza Antonio, que a pasada campaña co San Roque saíu vencedor da súa visita a Mérida na Segunda RFEF.
Con todo esta é outra historia, porque o cadro estremeño "sumou xogadores que lle dan un salto de calidade. Ficharon a Kamal do Cacereño que ten moitísimo traballo, Larrubia por fóra que é un xogador diferencial, Copete que é un futbolista que ten moito gol e que se complementa ben co outro dianteiro, con Lolo Pla. A nivel defensivo é un equipo moi serio, en bloque baixo defende moi ben a área e é un equipo que ten argumentos suficientes para gañarlle a calquera. Se imos alí pensando que vai ser fácil ímonos equivocar", defende o adestrador dos da Boa Vila.
Con todos estes datos na cabeza para Antonio Fernández a receita para conseguir gañar pasa por "ser nós, seguir sendo ese equipo que ten o balón, que quere ser protagonista, que non lle queima a responsabilidade de ter a pelota e despois que as ocasións que creamos, que sempre creamos catro ou cinco claras, que teñamos o acerto que necesitamos".
Iso e deixar a prtería a cero, algo que os granates xa lograron en dúas ocasións esta tempada.
Relacionadas:
-
Un Pontevedra máis agresivo e ordeado visita o inexpugnable Linarejos
Por Manu Otero |
-
O contragolpe do Mérida noquea o Pontevedra (2-0)
Por Almu Dapena |
-
Borja Domínguez e Samu Araújo, descartados para Mérida
Por Diego Espiño |
-
O Romano de Mérida, unha praza histórica inédita para o Pontevedra
Por Diego Espiño |
-
Valen, un debutante en Primeira RFEF que quere máis: "Véxome capacitado e creo que podo dar moito a este equipo"
Por Diego Espiño |
-
A lesión de Samu Araújo, unha preocupación engadida para o Pontevedra
Por Diego Espiño |
-
Antonio Fernández: "O equipo fixo unha das mellores primeiras partes da tempada"
Por Almu Dapena |
-
Un Pontevedra impotente non pasa do empate na casa ante o Linense (0-0)
Por Almu Dapena |