Antía Jácome, piragüista olímpica e community manager do COE por un día
Por Manu Otero
Antía Jácome non é só o futuro do piragüismo olímpico español, tamén é presente. Proba diso é que o COE, aproveitando a concentración do equipo nacional no balneario de Laias, entregoulle o móbil da entidade para que exerza durante un día como community manager e mostre a todos os seguidores como é a rutina diaria de traballo dunha deportista olímpica.
Desde primeira hora da mañá e despois de presentarse como nova encargada das redes sociais do Comité Olímpico Español, Jácome comezou a subir "stories" de cada un dos acontecementos da súa axenda diaria. Empezou presumindo de "oficina" cunha panorámica das vistas que ofrece o balneario de Laias desde a súa habitación.
A continuación, compartiu o cátering do almorzo para desprazarse despois á sala de quecemento cos seus compañeiros. Minutos máis tarde, chegou o momento de saír ao río para remar e, ao finalizar a sesión, media hora de carreira acompañada polas súas compañeiras de selección.
Así rematou unha mañá de traballo que, despois de comer, continuará cunha última rolda de adestramento no ximnasio que poñerá fin ao primeiro día da piragüista olímpica Antía Jácome como community manager por un día do COE.
Relacionadas:
-
Manuel Fontán e Pablo Graña, quintos nunha Copa do Mundo marcada polo mal tempo
Por Redacción |
-
Manuel Fontán e Pablo Graña, á final do C-2 500 na Copa do Mundo de Poznan
Por Diego Espiño |
-
A Copa do Mundo de Racice, termómetro para as opcións mundialistas do piragüismo pontevedrés
Por Redacción |
-
O piragüismo pontevedrés cumpre o expediente na segunda xornada do selectivo nacional
Por Diego Espiño |
-
Antía Jácome e Adrián Sieiro no C-2 e Tere Portela e Carolina García no K-4 logran o seu billete para a Copa do Mundo
Por Diego Espiño |
-
Choiva de medallas para o piragüismo galego na I Copa de España Sprint celebrada en Verducido
Por Almu Dapena & Cristina Saiz |
-
Oito medallistas olímpicos e outros moitos aspirantes cítanse esta fin de semana en Verducido
Por Manu Otero |
-
Diploma olímpico para Antía Jácome cun brillante quinto posto no C-1 200 metros
Por Diego Espiño |