Dobrete de Antía e de Ana Rivera para dar a vitoria ao Poio Pescamar un mes despois (4-1)
Por Almu Dapena & Cristina Saiz
Un mes tardou o Poio Pescamar en reencontrarse coa vitoria e fíxoo da mellor maneira, con goleada por 4-1 ao Móstoles. Con estes tres puntos, as conserveiras métense de cheo na loita por meterse nos postos polo play-off.
Sufriu durante os primeiros instantes de xogo o equipo vermello, que se salvaba do gol madrileño grazas á chegada de Dani Sousa, que aparecía baixo paus.
O duelo estaba a ser un desgaste físico para ambos os equipos, que xeraban perigo nas áreas de Silvia e de Caridad, que se tiñan que empregar a fondo para evitar o tanto.
Tardou nove minutos en adiantarse o Poio. Ana Rivera roubo de balón a Inma en primeira liña de presión e, sen oposición, anotou o 1-0 desde a frontal da área. Pouco despois puido empatar o Móstoles cunha dobre ocasión de Celia e Shiori, pero Caridad, moi segura baixo paus, impediu o gol.
O segundo gol das rojillas chegou a seis minutos do descanso. Esta vez, Antía a pase ao segundo pau de Julia Dupuy, culminou o ataque para ampliar a renda. Tentaron reaccionar as madrileñas, pero as de Manu Cossío mostráronse moi seguras para, nos compases finais en xogada de estratexia, Chiesa cedeu a Antía, que sacou un disparo afastado que se coou na portería de Silvia.
Pouco despois do paso polos vestiarios, volvía aparecer Ana Rivera para superar a Silvia tras un centro perfecto de Miriam e colocaba o 4-0.
Con todo perdido, o Móstoles cambiou a xogo de cinco e no seu primeiro ataque recortou distancias co gol de Shiori, que finalizou dentro da área. Deu un paso adiante o conxunto madrileño, que seguiu gozando de ocasións pero sen xerar excesivo perigo na portería dun Poio que non sufría e que lograba a súa primeira vitoria da segunda fase ligueira.
POIO PESCAMAR (4): Caridad; Miriam, Ana Rivera, Luci e Antía (cinco inicial). Tamén xogaron, Chiesa, Dupuy, Clara, Dani Sousa e Silvia Aguete (segunda porteira).
MÓSTOLES (1): Silvia; Patri Chamorro, Celia, Inma e Benete (quinteto inicial). Tamén xogaron, Shiori.
Goles: 1-0, min. 9 Ana Rivera. 2-0, min. 14 Antía. 3-0, min. 20 Antía. 4-0, min. 23 Ana Rivera. 4-1, min. 24 Shiori.
Incidencias: Pavillón A Seca. Os árbitros Carreira Romero e Ferrero Carballal amoestaron a Dani Sousa no Poio Pescamar e Shiori no Móstoles.
Relacionadas:
-
A afección do Poio Pescamar volve ao pavillón da Seca 14 meses despois
Por Diego Espiño |
-
Duro castigo para o Poio Pescamar na súa visita a Melilla (5-2)
Por Almu Dapena |
-
O Poio Pescamar pon en xogo o seu posto de play-off en Melilla
Por Redacción |
-
Caridad salva o Poio Pescamar, que sofre para vencer o Alcorcón (2-3)
Por Almu Dapena |
-
O Poio Pescamar viaxa a Alcorcón para defender a súa praza na final four polo título
Por Redacción |
-
Un Poio Pescamar minguado polas baixas recibe o Móstoles para cortar a súa mala serie
Por Redacción |
-
Manu Cossío, renovado como adestrador do Poio Pescamar por unha tempada máis
Por Diego Espiño |
-
O Burela golea o Poio Pescamar e segue invicto na pelexa polo play-off (4-1)
Por Almu Dapena |
-
Repartición de puntos entre Poio Pescamar e Torreblanca tras un intenso partido (1-1)
Por Cristina Saiz |