Repartición de puntos entre Poio Pescamar e Torreblanca tras un intenso partido (1-1)
Por Cristina Saiz
O Poio Pescamar iniciou a fase decisiva para disputar o play-off polo título de liga na Primeira División cun empate ante o Melilla Sport Capital Torreblanca. Aínda que comezou adiantándose o equipo vermello cun gol de Dani Sousa, as visitantes sorprenderon a pouco máis dun minuto para o bocinazo final co tanto de Emilly Marcondes.
O duelo comezou moi intenso, con ambos os equipos gozando de ocasións nas dúas áreas e con Caridad e Sara salvando as súas porterías ata pouco antes de alcanzar o descanso, momento no que Dani Sousa aproveitou un roubo no seu propio campo para anotar de disparo afastado.
Tras o paso polos vestiarios, Ana Rivera avisou a Sara Soares, e Emilly respondeu tentando sorprender á gardameta vermella.
Co paso dos minutos foi o Torreblanca o que se fixo co control do xogo, mentres o Poio Pescamar tentaba facer dano á contra.
Pasaron a xogo de cinco as visitantes a pouco menos de tres minutos para a conclusión, buscando facer dano coa superior numérica con Fernanda como porteira xogadora. Así, a un minuto do final, nunha xogada persoal de Emilly Marcondes, que conduciu desde campo propio, sacou un potente disparo que penetrou pola escuadra.
Co 1-1, Manu Cossío tamén optou polo xogo de cinco, outorgando un desenlace intenso que se saldou con empate a un gol.
POIO PESCAMAR (1): Caridad; Clara, Lucía, Ana Rivera e Dani Sousa (cinco inicial). Tamén xogaron, Chiesa, Antía, Julia Dupuy, Miriam e Irene García.
MELILLA SPORT CAPITAL TORREBLANCA (1): Sara Soares; Emilly Marcondes, Julia, Lydia e Bía (quinteto inicial). Tamén xogaron, María Soto, Jacke, Desi, Fernanda e Fabi.
Goles: 1-0, min. 20 Dani Sousa. 1-1, min. 39 Emilly Marcondes.
Incidencias: Pavillón A Seca. Os colexiados Carreira Romero e Ferrero Carballal amoestaron a Antía, Luci e Irene García no Poio Pescamar e a Bia e Fabi no Melilla.
Relacionadas:
-
O Poio Pescamar viaxa a Alcorcón para defender a súa praza na final four polo título
Por Redacción |
-
Dobrete de Antía e de Ana Rivera para dar a vitoria ao Poio Pescamar un mes despois (4-1)
Por Almu Dapena & Cristina Saiz |
-
Un Poio Pescamar minguado polas baixas recibe o Móstoles para cortar a súa mala serie
Por Redacción |
-
Manu Cossío, renovado como adestrador do Poio Pescamar por unha tempada máis
Por Diego Espiño |
-
O Burela golea o Poio Pescamar e segue invicto na pelexa polo play-off (4-1)
Por Almu Dapena |
-
Burela-Poio Pescamar, terceiro asalto
Por Redacción |
-
Primeira parada do Poio Pescamar no seu camiño cara ao play-off: "Cada punto en la segunda fase es muy importante"
Por Diego Espiño |
-
O Ourense Envialia deixa o Poio Pescamar sen final da Copa Xunta (3-1)
Por Redacción |
-
O Poio Pescamar finaliza a primeira fase ligueira con derrota ante o Futsi Navalcarnero (1-2)
Por Cristina Saiz & Redacción |